miniatura|Blason dla municipalità Carignan a l'é na municipalità local ant ël sud-òvest dël Québec an Canadà, a 27km da Montréal. J'abitant dël 2021 a j'ero 11.740.
Stòria La municipalità 'd Carignan a l'é stàita creà dël 1855 vzin a Chambly. Ël nòm originari a l'era Saint-Joseph-de-Chambly e a l'ha mantenù ël nòm për un sécol. Dël 1871, na gròssa part ëd Saint-Joseph-de-Chambly a l'é dëstachesse për batì la neuva sità 'd Saint-Basile-le-Grand. Dël 1965, ël nòm Saint-Joseph-de-Chambly a l'é stàit armudà an Carignan.
Ël nòm a l'é stàit soasì an onor dël batajon Carignan-Saliéres: armada dël duca 'd Savòja (për la pi gròssa part compòsta da Pinareulèis) ch'a travajava për la Fransa, an combatend an la zòna contra j'Irochèis.
Geografìa Carignan a l'é compòsta da pcit condomini sircondà da camp coltivà a melia, gran e sòja.
La municipalità a l'é travërsà dai fium Acadia e Richelieu ch'a confluisso ambelessì, an creand 4 ìsole a la confluensa.
Carignan a l'é compòsta da doi tòch, separà dal comun ëd Chambly.
Abitant 80% dla popolassion a l'é marelenga mach an fransèis.
Liura con Turin Palass Carignan a Turin a presenta dle fnestre con an cò na cimasa ch'a smija un bonèt dij nativ merican. Guarino Guarini a l'ha soasì 'd dovré costa forma për onoré la spedission dël batajon Carignan-Saliéres, ëdcò se j'Irochèis as lo butavo nen an testa, pitòst a dovravo dle piume 'd biro ò aghia.
Guarini a l'é donca isirasse ai bonèt dij Tupinamba dël Brasil, scond le descrission dij gesuit. Categorìa:Québec Categorìa:Canadà