miniatura|Bote 'd làit ëd gamel Liquid produvù da le mimin dla gamela, dovrà tanme beivanda da le popolassion dël desert.
A l'é d'un color sclent bianch, pi salà dël làit ëd vaca; a l'ha pi grass e protein-e 'd cost dërié. Soens, an India e ij beduin a chërdo ch'a l'abia dle proprietà tanme meisin-a.
Ël pais ch'a produv pi làit ëd còst sòrt a l'é la Somalia, andoa ël gamel a l'é fondamental për la sussistensa, për soa abilità d'arziste fin-a 21 di sensa trinché e a l'ha pa da manca 'd tante atension.
An Union Europenga, l'amportassion a l'é possìbila mach da l'emirà 'd Dubai, ant j'Emirà Àrab Unì.
A-j é na guarnison Slow Food an Etiòpia, për goerné la prodossion ëd làit ëd gamela da part dl'etnìa Orom.