Hydnellum suaveolens Hydnellum suaveolens a l'é un fonz basidiomicet dla famija Bankeraceae.
Descrission Ël capel a l'é a forma d'ambossor o nen regolar, dël diàmeter ëd 3-10 cm, con la surfassa brun rossastra o brun viòla, zonà, vlutà. La part inferior a l'é coatà dë spìnule brun-e, longhe fin a 5 mm. Ël gamb a l'é curt, goregn, dël color dël capel. La carn a l'é dura, con un odor fòrt e doss d'ànis, da sò nòm. Le spore a son brun-e, tubercolà, e a mzuro 4-6 × 3-5 μm.
Ambient A chërs an sla tèra dij bòsch ëd conìfere o mës-cià, associà a Picea abies, dzortut an teren calcaros. A frutìfica da l'istà a l'otonn. A l'é spantià an Euròpa, América dël Nòrd e Asia.
Comestibilità
As peul nen mangesse për soa consistensa dura e coriassùa.
Arferiment bibliogràfich për chi a veul fé dj'arserche pì ancreuse
Hydnellum suaveolens (Scop. : Fr.) P. Karsten [= Calodon suaveolens (Scop. : Fr.) P. Karsten]
Categorìa:Pissacan Categorìa:Hydnellum