Borghet Borbaja (Borghetto di Borbera an italian, O Borgheto an lìgure) a l'é un comun dël Piemont ëd 2.002 abitant Sorgiss: ISTAT - Bilansi demogràfich al 01/01/2017 ., ant la provinsa ëd Lissandria.
As treuva ant l'Apenin Lìgure an Val Borbaja, an sla riva stentrional ëd la Borbaja.
Stòria thumb|left|200px|Porta dël borgh medievalBorghet a l'é stàit fondà ant l'Età 'd Mes: na sorgiss dël 1204 a lo cita 'me Burchetus, n'àutra dël 1254 'me Burquetus; an época pì tarda ël pais a ven nominà Burgus Aymericorum, peul esse për armarché la dipendensa dai dissendent ëd la famija dj'Aimerìs, ch'a j'ero lijà ai vësco-cont ëd Torton-a. Ansema a la località 'd Sòrl, Borghet a l'ha costituì 'n feod dël vësco 'd Torton-a, ch'a l'ha concedulo prima a la famija dij Rat, peui a la famija dij Lonà ch'a l'ha tnilo formalment an feod fin al 1797.
An essend Torton-a passà al Ducà 'd Milan a la fin dël sécol ch'a fa XIV, për sécoj Borghet a n'ha seguì le sòrt passand sota ij Viscont, jë Sfòrsa, jë spagneuj e për un pòch d'agn sota j'austrìach. An séguit a la guèra 'd sucession polonèisa, dël 1738 Tortona e sò contà a passo al Regn ëd Sardëgna. Dal 1797 al 1805 a l'ha fàit part prima dla Repùblica Lìgure, e peui ëd l'Imperi Fransèis ëd Napoleon Bon-a-part. Tornand ai Savoja, dal 1819 al 1859 Borghet a ven a fé part ëd la Provinsa ëd Neuve, sota la Division ëd Génoa e ant ël mandament ëd Seraval Scrivia. Dal 1859, an séguit a la riorganisassion aministrativa dël Decret Rattazzi (Lèj n.3702, 23 otóber 1859) a l'é passà an manera definitiva a la Provinsa ëd Lissandria, ansema a tut ël Circondari ëd Neuve .
Aministrassion Ël sìndich a l'é Enrico Bussalino (da l'8/06/2009, scond mandà dal 27/05/2014).
Sità gemelà Borghet Borbaja a l'ha stabilì un rapòrt d'amicissia con: 20px Loreggia, Italia
Anliure esterne Sit istitussional
Arferiment
thumb|left|300px|Panorama
Borghetborbaja