Regn ëd Sardëgna a l'é 'l nòm ch'a l'han pijà dël 1720 tuti ij possediment dij Savòja. Con ël Tratà ëd l'Aja, ël duca ëd Savòja Vitòrio Medeo II a l'é stàit obligà a cangé la coron-a dël regn ëd Sicilia, ch'a l'avìa arseivù dël 1713 con ël Tratà d'Utrecht, con cola dla Sardëgna. Parèj lë stat dij Savòja a l'ha cambià 'l sò nòm e a l'é ëdcò cangià la stòria dël Piemont. Ël Regn ëd Sardëgna a l'é durà fin al 1861, quand a l'é stàit proclamà ël Regn d'Italia.
Categorìa:Stat savojard Categorìa:Stòria dl'Italia