Giornalista e stòrich. Henri Amouroux a l'era nassù al 1m ëd luj dël 1920 a Périgueux, an Dordogne, e a l'avìa fàit ij sò studi a l'Anstitù superior ëd giornalism an Paris. Ij sò prim travaj ëd giornalism a son ëstàit a l'agensìa dë stampa Opera Mundi ëd Paris e al giornal La Petite Gironde a Bordò. Peui a l'é rintrà ant l'Arzistensa, ant la formassion Jade Amicol.
A la Liberassion, dël 1944 a partìssipa a la fondassion dël giornal Sud-Ouest, anté ch'a farà soa cariera fin-a al 1974, a l'ancamin tanme segretari ëd redassion, peui segretari general dla redassion, apress cap redator e, a la fin, dal 1968, diretor general. A crea e a dirigg ëdcò Sud-Ouest Dimanche. Dël 1974 e 1975 a l'é diretor ëd France Soir, peui, dal 1977 al 1982, codiretor ëd Rhône-Alpes.
Ansema a coste responsabilità, Amouroux a realisa vàire servissi giornalìstich, an particolar an sl'Union Soviética, ël Vietnam, Israel, e a ten dle crònache su France Inter e TF1. An novèmber 1978 a l'é elegiù a l'Academia dle Siense moraj e polìtiche, dont a dventa pressident dël 1990.
A l'é mòrt an Normandìa ai 5 d'ost dël 2007.
Euvre prinsipaj Le Monde de long en large (1956) J'ai vu vivre Israël (1958) Histoire des Français sous l'occupation (des volum, 1976-1993) Pour en finir avec Vichy (1997 e 2005) Trois fins de règne (a propòsit ëd Charles de Gaulle, François Mitterrand e Jacques Chirac)
Amouroux, Henri Amouroux, Henri