Montad (Montaldo Bormida an italian) a l'é un comun dël Piemont ëd 627 abitant Sorgiss: ISTAT - Bilansi demogràfich al 01/01/2018 ., ant la provinsa ëd Lissandria.
Ël pais a resta ant l'Àut Monfrà, an sle colin-e antra la val ëd l'Òrba e la val ëd la Bormia.
Stòria thumb|left|230px|La cesa parochial ëd San MichelLe prime sorgiss ch'a documento la presensa 'd Montad a armonto a l'Età 'd Mes, quand che dël 1164 as fa mension ant ën diplòma imperial dël topònim Ambo Carpineta. L'istess a suced a l'inissi dël Tërzent, quand che Bonifass ëd Monfrà a reclama da la Comun-a 'd Lissandria la restitussion ëd chèich località, antra le quaj Utriusque Carpaneti. Sòn a vorìa dì che Montad, conossùa tanme Carpnèj Inferior, a esistìa dagià tanme borgh ma che a l'era ancora nen dësvlupasse a basta da merité 'n nòm autònom. A-i dovìa esse 'n castel dotà 'd fortificassion e fossà. Dël 1203 Bonifass a signa n'acòrdi con Lissandria: Carpnèj a resta part dël Marcheisà ëd Monfrà, mentre che Montad a resta lijà a la comun-a lissandrin-a. Sòn a influenserà la stòria dël pais përché Montad a seguirà për sécoj le sòrt lissandrin-e, anfluensà da la dominassion dël Ducà 'd Milan, peui djë spagneuj e dj'austrìach, për passé sota ai Savòja dël Setsent.
D'apress a l'época dla dominassion fransèisa ëd Napoleon Bon-a-part, dël 1815 Montad a torna ant ël Regn ëd Sardëgna e a ven peui aministrà sota a la Division (peui Provinsa) ëd Lissandria, a la Provinsa (peui Sircondari) d'Àich e al Mandament ëd Carpnèj.
Aministrassion Ël sìndich a l'é Barbara Ravera (dal 27/06/2013, scond mandà da l'11/06/2018).
Sità gemelà Montad a l'é gemelà con: border|20px Sigoulès, Fransa
Anliure esterne Sit istitussional
Arferiment
thumb|left|300px|Panorama ëd sèira
Categorìa:Comun dla provincia ëd Lissandria