Un pissacan: ël Lyophyllum aemiliae Descrission Ël Lyophyllum aemiliae a l'é un fonz basidiomicet dla famija dle Lyophyllaceae, descrivù për la prima vira dal micòlogh italian Enrico Consiglio dël 1998 . Ël capel a l'é da bombà a distèis, con na surfassa ch'a peul presenté 'd tonalità da bianch a crema . La gamba a l'é silìndrica, biancastra o grisastra. La carn a l'é consistenta, con savor doss e odor pì che àutr nen significativ . La caraterìstica pì amportanta për arconòss-lo a l'é che la carn e le lamele, quand a son fërtà, a viro al giàun-òcra, e peui, motobin lentament, a ven-o nèire . Le lamele a son s-ciasse, bianche o crema. Le spore a son elìtiche, gròsse 7-9,5 × 4,5-5,5 µm . A l'é motobin davzin al Lyophyllum semitale, che però a l'ha n'odor fòrt ëd farin-a e le lamele che a ven-o bleu anvece che giàune an sël moment dël fërteje.
Ambient A chërs a bocc ant ij bòsch ëd pin e rol, dzortut ant ij bòsch mës-cià . A l'é stàit trovà an Italia, an Fransa e an Finlandia . L'esemplar ch'a l'ha servì da stamp (olòtipo) a l'é stàit trovà an Italia an dzora a 'n bòsch mës-cià con Pinus nigra e Quercus pubescens . A smija ch'a chërsa dzortut an sla tèra.
Comestibilità
Sensa anteresse alimentar. A l'é considerà nen comestìbil .
Arferiment bibliogràfich për chi a veul fé dj'arserche pì ancreuse
Lyophyllum aemiliae Consiglio
Categorìa:Lyophyllum