thumb|right
Un pissacan: Marasmiellus ramealis Descrission Ël Marasmiellus ramealis a l'é un cit fonz dla famija dle Omphalotaceae (o Marasmiaceae). Ël capel a l'é cit, con un diàmeter ëd 0,5-1,5 cm, da giovo a l'é bombà peui as dëstend e a peul avèj na pcita depression al sénter. La surfassa a l'é 'd color rossastr ciàir o giaunastr, soens pì scur al sénter, e con ël bòrd strià. Le lamele a son biancastre, da pòch spassià e a tiro giò për la gamba. La gamba a l'é sutila, àuta 1-2 cm, con la part superior dël midem color dël capel e cola inferior pì scura, e a l'ha na surfassa farinosa. La carn a l'é sutila e biancastra. Le spore a son bianche. As peul confonde con d'àutri cit fonz ch'a chërso an sle rame.
Ambient A chërs a bocc dzora a cite rame mòrte e ramëtte ëd latifeuje e conìfere, e soens ëdcò an sle cane vive o mòrte. A l'é na specie motobin comun-a, as peul trovesse da l'istà a l'otonn, dzortut ant ij bòsch ùmid.
Distribussion A l'é na specie motobin spantià an Euròpa, América dël Nòrd e Asia. An Italia a l'é comun an tute le region, Piemont comprèis.
Comestibilità
A l'é considerà comestìbil ma sensa anteresse alimentar përché a l'é tròp cit. A l'ha n'anteresse përchè a produv na sostansa (marasmin-a) ch'a l'ha 'd proprietà antibiòtiche (contra ij bater) e ch'a l'é stàita studià për soa atività contra le célule tumoraj.
Arferiment bibliogràfich për chi a veul fé dj'arserche pì ancreuse
Marasmiellus ramealis (Bull. : Fr.) Singer
Categorìa:Marasmiellus