Cher (Chieri an Italian) a l’é na comun-a ëd 35.868 abitant Sorgiss: ISTAT - Bilansi demogràfich al 31/01/2009 . dla provincia ëd Turin.
Stòria Preistòria An località Vila Isnard dël 1876 a l'é trovasse un tòch d'anel an pera neolìtich an serpentin vèrd. Ma an considerand che la forma a l'é ovoidal e ël beucc a resta nen centrà, as pensa che as tratèissa nen ëd n'anel sirimonial, coma col trovà a Sassi, ma pitòst d'un pèis forà ò pura ëd n'anel për un baston da sgav, ëd coj che antlora as dovravo da vanghe. Da sòn as sàuta sùbit a na moneda gàlica dla sòrt che a copiava cole greche ëd Marsija, trovà dël 1917. A-i é la possibilità che a sia un tòch spërdù d'un tesorèt pì gròss Fedele, Francesco, publicà an "Storia di Torino", volum I, pàg. 65-66. Turin, 1997 : Giulio Einaudi Editore. ISBN 88-06-14258-5..
La sità Munissipi roman col nòm ëd Karreo (forma clàssica: Carrea Potentia).
thumb|right|200px|Ël dòm Pì tard la comun-a ëd Cher, dësvlupand-se da 'n vilage fortifià, a dventa autònoma dël sècol ch'a fa XII: ij 7 d'avril dël 1164 j'abitant a pijo d'assàut ël castel ansima al brich ëd San Giòrs, ën forsand ël vësco a conced-je la libertà con lë strument dij drit feodaj. Dël sécol ch'a fa XIII Cher a spantia soa anfluensa ant sij castej e le località dj'anviron. Dël 1311 a son ëscrivù jë Statù sivij, ratificà da l'imperator Arigh VII.
J'ocupassion fransèise Cher a l'é stàit ocupà vàire vire dai fransèis: dal 1535 fin-a a la bataja 'd San Quintin dij 10 d'ost 1557; dal 1630 al 1642; dal 1704 al 1706; dal 1797 al 1814, con l'ocupassion napoleònica.
Tradission Le mascre ëd Cher a son la Bela Tessiòira e Mangiagrop.
Leu d'anteresse La cesa dij Sant Bernardin e Ròch La cesa ëd San Giòrs La cesa ëd San Dumini Ël santuari dla Nonsià La cesa ëd San Flip Neri La cesa ëd Santa Margrita La cesa ëd Santa Marìa dla Pas La cesa ëd Sant Antòni abà
Stassion feroviarie A Cher a-i son due stassion feroviarie: una ch’a colega la sità con Trofarel (la stassion ëd Cher) e una ch’as treuva ant la frassion ëd Pession (la stassion ëd Pession) e a resta arlongh la ferovìa ch’a colega Turin con Génoa.
Aministrassion Ël sìndich a l'é Alessandro Sicchiero (dal 10/06/2019).
Sità gemelà Cher a l'é gemelà con: border|20px Épinal, Fransa 20px Nanoro, Burkina Faso border|20px Tolve, Italia border|20px Adria, Italia
Anliure esterne Sit istitussional
Arferiment