Василь Сочка-Боржавин, властным йменом Василь Сочка, *3. януар 1922, Берегово, Подкарпатска Русь, Чехословакия (дн. Украина) – †18. август 2010, Собранцѣ, Словакия — познатый педагог, поет, есеиста, публициста и културный дѣятель подкарпатскых Русинох.Анна Кузмякова
Биография Походжѣня Походив з учительской родины з глубоков традициов. Его дѣдо Сочка Иван Петров (1863–1956) из Греблѣ над Боржавов быв там директором школы (1901–1939), а посмертно поклали му памятну таблу на стѣнѣ школы.Греблянська гімназія. Історія школи Од своих дѣточых рокох над Боржавов и споминок на дѣда взяв собѣ псевдоним Боржавин. Его отець, Андрѣй Иванов Сочка, тыж быв учительом. А сам Василь Сочка, хоть веце познатый як литератор и културный дѣятель, оддав педагогичной роботѣ понад 30 рокы.Хланта І. В.
По материной линии его прадѣдом быв Андрѣй Рѣпай (1830–1914), познатый педагог, професор Унгварской учительской семинарии, редактор первой подкарпатской педагогичной новинкы Учитель (1867). Другый дѣдо быв пѣвцоучитель.Василий Боржавин: Горы и доля, Теодозия Латтова Штудии и робота Учив ся в народных школах в Костринѣ и Перечинѣ, в Ужгородской и Хустской гимназиях. В Ужгородѣ его учительом быв Алексей Фаринич, а в Хустѣ — Петро Линтур.Л. Філіп Обое были пропагаторами русского языка и литературы, а так уже в гимназиалны рокы В. Сочка собѣ освоив таку ориентацию и уже в року 1940 зачав з первыма литературныма пробами. Дебютовав вершами в новинках Русское слово, Карпаторусский голос, в колективных зборниках «12» (1940), Будет день (1941), Литературный альманах (1943). З первыма прозовыма пробами выступив в новинках Карпаторусский голос и Slovenská jednota (выдавала ся в Будапештѣ в роках), По закончѣню Хустской гимназии од року 1940 учив ся на филозофичной факултѣ Будапештской универзиты.
Через войнов причинены прикрости штудии закончив аж року 1950 на филологичной факултѣ Ужгородской державной универзиты.
В повоенной добѣ оддав педагогичной роботѣ понад 30 рокы — в школах Тячовского, Мукачовского, Береговского районох, а пак в Закарпатском инштитутѣ здокональованя учительох, де проводив кабинет школ з мадярскым и румынскым выуковым языком. Служив тыж референтом в Рефератѣ умѣня областной администрации, литературным редактором новинкы Закарпатска правда, старшым библиографом и крайознательом Областной библиотекы.Василь Басараб Сполоченска активность В роках 1991–1992 быв предсѣдательом областного Общества Карпатскых Русинох, наступно честным предсѣдательом Ужгородского общества А. Духновича, участником Свѣтовых конгресох Русинох, членом и координатором Свѣтовой рады Русинох (1991–1995).
Любив путовати по краях, де жиють Русины, быв участником их русинскых културных акций. Быв добрый и розважный муж, отець и приятель. Умер 18. августа 2010. Было то в Собранцях в часѣ его послѣдного путованя до Чех. Погребеный в Новом Градку, Nový Hrádek, в Чехии, де жиють его дѣвка Надежда и жена Ирина.. П.М.: Значіня і вклад Василя Сочкы-Боржавина
Литературна творба В септембрѣ 1943 в Ужгородѣ вышла перва поетична зберька В. Боржавина Горы и доля. Друга книжка была поетична зберька Верховинские напевы (1960), третя, котра повторила назву первой, Горы и доля (1990) вершина его русскоязычной творбы, подаюча найлѣпше и найповнѣйше понятя о творчости автора. В наступных роках русинской оброды публиковав серию биографий под назвов Будителі Подкарпатськых Русинов (1995), зберьку русинской поезииї В подбескидных долинах (1996) и зборник есейох о русинской литературѣ и културѣ под назвов Зазвонили в селѣ на вичурню. В тых роках активно выступовав тыж во вецейнистых периодичных русинскых выданях.
Жерела и одказы
Хланта І. В.: Сочка Василь Андрійович (Василь Боржавин) // сс. 308–309
Портал Лем.фм Радіо Русин.фм Колиба - портал о Закарпаттю (укр.)
Указкы з творбы Василій Боржавинъ: Горы и доля. Стихи. Библіотека современныхъ угро-русскихъ писателей. Унгваръ-Ужгородъ, 1943 (PDF)
Референции
Катеґорія:Русиньскы поеты Катеґорія:Русиньскы народны дїятелї Катеґорія:Русиньскы писателї Катеґорія:Русиньскы умелцї Катеґорія:Русскоязычны писателе