Михал Манкович (*16. октобер 1785, Блажов, окрес Сабинов, Пряшовскый край, Мадярске кралевство — †21. октобер 1853, Ужгород, Мадярске кралевство) — малярь, иконописець и стѣнописець, официалный живописець в жупах Берег, Земплин, Унг.
Биография Отець его, тыж Михал Манкович в роках 1757–1791 быв парохом в Блажовѣ.Blažov 1317–1952. Náboženstvo Учив ся в Сабиновѣ, Левочи, пак в богословской семинарии в Ужгородѣ. Одты го епископ Андрей Бачинскый напрямив до Вѣдня учити ся до Академии малярства. На даякый час лишив науку и пустив ся в творчу дорогу по Австрии, до Львова ай дале аж до Киева и Москвы. По том вернув ся, закончив науку, и достав диплому живописця. Оженив ся з М. Бачинсков и од року 1813 достав пост церковного живописця. Его роботы суть в церквах трех жуп: Берег, Земплин, Унг. Послѣдны рокы живота прожив в Ужгородѣ, де и погребеный. Умер 68-рочный.Ковач Ф.
Творба В Пряшовском краи розмальовав церквы в Снаковѣ, в Бѣловежи (1817), Фулянцѣ (1830), Няговѣ (1831). Про церковь Нижной Радвани (теперь Радвань-на Лаборци) намальовав икону "Укладеня Христа до гробу". Зготовив иконостас в Чабаловцях (1814).
На жаданя церковных верхностей мальовав копии образох религийной тематикы од знамых малярьох.
З оригиналной творбы найвеце суть познаты образы "Пират", "Дѣвка Лотова", "Йозеф и Путифар", "Магдалена". По смерти маляря велика часть его робот перешла до приватной коллекции родины Зубрицкых. Межи тыма роботами быв его автопортрет, портрет его жены и их дѣвочкы.
В конци року 2015 в деревяном храмѣ Архангела Михаила в Иновцю закончили рештаврацию новообъявеных икон Михала Манковича. Рештавраторы поважують Манковича за едного з первых представительох европейского назаренизма в Подкарпатю.Reštaurátori obnovili vzácny mobiliár dreveného chrámu v Inovciach
Жерела и одказы
Ковач Ф.: Манкович Михайло. //
Референции
Катеґорія:Русиньскы умелцї Катеґорія:Русиньскы малярї