Гиперте́кст (англ. hypertext) — термин, означаючый систему из текстовых сторонок, звязаных перекрестныма одказами. Примѣрами гипертекста суть енциклопедии, компютерны сѣти, веб-сайты, в котрых мож переходити з едной сторонкы на другу и выглядовати информацию помочов ключовых слов.
Розличны хоснованя термина В компютерной терминологии гипертекст — тото текст, сформованый в языку значкованя (напримѣр, HTML), розрахованый на хоснованя гиперодказов.
В литературознаню гипертекст — тото книга, что мать внуторны одказы, котру не читаме за шором, але переходиме з едной части на другу. Примѣром суть словникы, енциклопедии, а в модерной беллетристицѣ зберькы поезий, але и прозу так пишуть дакотры авторы, же ю мож читати вырывково. Найдавнѣйшым гипертекстовым литературным твором е Библия, что мать нумерованя окремых частей текста и е хоснована з частыма одказами.
История появы и етимология
Теодор Нелсон первый похосновав термин "гипертекст" (24 августа 1965 года) "Complex information processing: a file structure for the complex, the changing and the indeterminate" in Association for Computing Machinery: Proceedings of the 20th National Conference. Ed. Lewis Winner: 84‑100, Cleveland (Canada): ACM. DOI:10.1145/800197.806036 в лекции Файлова структура зложеного, мѣнливого и до конця неопредѣлимого». В той лекции Нелсон повѣв таке:
Префикс гипер- е грецького поводу и значить то саме, что префикс супер-, котрый приходить з латины. Его значѣня: перевысшѣня, выход за границѣ тых можностей, котры были перед тым. В добѣ компютеров настало можным легко створити системы сторонок, звязаных межи собов одказами, глядати тоту, котру потребуеме помочов ключовых слов, фурт редаговати и обновляти их обсяг. Такыма гипертекстовыма системами суть в Интернетѣ хотькотры веб-сайты.
Смоть тыж HTML
Одказы Лекция Т.Нелсона 24. авг. 1965 Гипертекст на letopisi.ru (русск.)
Жерела Dostál, J. Multimediální, hypertextové a hypermediální učební pomůcky - trend soudobého vzdělávání. Časopis pro technickou a informační výchovu. 2009, Olomouc, Vydala Univerzita Palackého, Ročník 1, Číslo 2, s. 18 - 23. ISSN 1803-537X (print). ISSN 1803-6805 (on-line). Негуторов В. В.'' Гипертекст как феномен современного общества: Дис. … канд. филос. наук. — Краснодар, 2003. — С. 3-4.
Референции Катеґорія:Компютеры і інтернет