Новоселиця — село в Перечинском районѣ Закарпатской области Украины.

Днешность села Село оддалене 17 км од Перечина: по дорозѣ H13 перейдеме 11.5 км поза центер Дубриничох, а пак, минувши желѣзничну рампу, скрятаме налѣво на незначену асфалтку и идеме еще 5.5 км. Через село тече поток Каменичка, приток рѣкы Уг. Село умѣстнене под словацков границев, на другой сторонѣ котрой лежить валал Иновець (слов. Inovce). Од центра села до желѣзничной штации Дубриничѣ — 7 км. В селѣ фунгуе лыжарскый вытяг. Найвысша точка над селом — Попрѣчный Верх Мапа высот в околици од mapy.cz (1024 м), находить ся на словацкой граници. Новоселиця занимать площу 22,63 км². Обывательство подля списованя-2001 чинить 492 особы. Поштовый индекс — 89211. Телефонный код — 3145. Адрес сельской рады: 89211, Закарпатська обл., Перечинський р-н, с. Новоселиця, 27.

История В писемных жерелах село упоминать ся року 1631, тогды называло ся Нова Камяниця. Створене на валашском правѣ: урбарь под тым роком пише, же шолтисами были Палита Микула и Зелен Михайло.Sebestyén Zsolt

Року 1752 в селѣ грекокатолицка громада выставила муровану церковь Вознесѣня.

Року 1910 в селѣ были 534 обывателѣ, з того Мадяре — 10, Нѣмцѣ — 34, Русины — 488, иншы — 2. Подля вѣры: римокатолици — 14, грекокатолици — 486, израелиты — 34. До Трианона село административно належало ку Перечинскому округу (Perecsenyi járás) жупы Унг (Ung vármegye).A történelmi Magyarország atlasza és adattára 1914

Року 1930 в селѣ было 539 жителей, з них Русинов — 512, Евреев — 25, Чехов и Словаков — 1, иншых — 1. Грекокатоликов — 512. Была двоклассна руська школа. Достал Я. Підкарпатська Русь. (Закарпаття періоду Чехословацької республіки 1919–1938). Ужгород, 2014. С. 133.

Року 1969 в селѣ жило 544 людей. Была розмѣщена бригада колгоспу «31 рочницѣ Жовтня». Бригада мала 200 голов молодняка маргы и 750 овець. Овчарство было высокопродуктивне: приплод чинив 110 ягнят на 100 овцематок, настрыг вовны — 2.6 кг на овцю. В урочищу Босаковому быв карьер, де добывали высокоякостный вапняник. В Новоселици — зачаточна школа, клуб, библиотека. Новоселиця. // Тронько П. и др. (ред.). Історія міст і сіл Української РСР. Том 7. Київ, 1969. С. 473.

27. октобра 1944 село было выслободжене од фашистов.

Вызначны родаци Иван Чургович (1791—1862) — педагог, священник, културно-просветителный и церковный администратор, доктор богословия.

Жерела A történelmi Magyarország atlasza és adattára 1914

Достал Я. Підкарпатська Русь. (Закарпаття періоду Чехословацької республіки 1919–1938). Ужгород, 2014. Тронько П. и др. (ред.). Історія міст і сіл Української РСР. Том 7. Закарпатська область. Київ, 1969. С. 473.

Одказы Достал Я. Підкарпатська Русь (Закарпаття періоду Чехословацької республіки: 1919-1938) pdf Мапа высот в околици

Референции

Катеґорія:Села Україны Катеґорія:Населены пункты Украины Катеґорія:Населены пункты Закарпатской области