Друга Интернационала, або Социал-демократична Интернационала,"The Second International" была меджинародна федерация социалистичных и роботницкых партий, закладена в року 1889 в Парижу.Украинский советский энциклопедический словарь, том 1, сс. 694-695.
Конгресы зберали ся не каждого року, а их резолуции не мали облигатну силу, лем моралну.
На роздѣл од предходной, Друга Интернационала была зложена зоз партий, котры мали рядно выбране веджѣня, политичны програмы и членску базу во своих державах. Народны секции брали активну участь в политичном животѣ, створьовали професионалны союзы, ишли на вольбы. Зачаток войны в року 1914 выволав кризу во федерации.
Една, найлѣвѣйша, група социал-демократох, котры были в меншинѣ, зобрали ся в Циммервалду около Берна в року 1915, жебы попробовати найти сполочну тактику на закончѣня кровопролитя. Им ся не удало закончити войну або зъединити вшиткых социал-демократох, але створили Лѣве крыло, котре подтримовало российску револуцию и поклало заклады Третьой (комунистичной) Интернационалы.
Друга,найправѣйша, менша група зобрала ся в року 1919 в Бернѣ и створили Бернску Интернационалу, яка была против револуции и диктатуры, а домогала ся лем лѣпшого живота про працуючых.Berne International.
Векшина социалистичных центристичных партий сформовала в року 1921 во Вѣдню Вѣденьску Интернационалу.
В року 1923 правы и центристичны партии споили ся в Социалистичну Роботницку Интернационалу.
Жерела и одказы Berne International. //James C. Docherty, Peter Lamb: Historical Dictionary of Socialism. 2nd ed. 2006. P. 52. Украинский советский энциклопедический словарь в трех томах. / Кудрицкий А.В. и др. (ред.). Главная редакция Украинской Советской Энциклопедии им. М.П. Бажана. К., 1988. Том 1. . Second International, labour federation and political organization (1889). //Encyclopaedia Britannica "The Second International" на Marxists.org.
Референции
Катеґорія:Социализм Катеґорія:Заниклы меджинародны организации