Вудс Гоул, Woods Hole, — штатистична локалита census-designated place (CDP), котра не мать властный административный статус, входить в мѣстечко Фалмес. Лежить на крайном югозападном кончику полуострова Кейп Код.
Обывательство Подля списованя з року 2010 Вудс Гоул мав 781 обывателя. Середный рочный приход на обывателя — $30 752; ниже линии худобности жиють 5,3% обывательства.
Научны инштитуции В локалитѣ суть розмѣщены знамы инштитуции, звязаны з выгледованьом моря: Океанографичный инштитут Вудс Гоул, Woods Hole Oceanographic Institution; Морска Биолаборатория, Marine Biological Laboratory; Выгледовачскый Центер Вудс Гоул, Woods Hole Research Center; Сѣверовосточный Научный Центер Рыболовства, Northeast Fisheries Science Center (найстарша инштитуция од року 1871); Научный Аквариум Вудс Гоул, Woods Hole Science Aquarium; Центер побережной и морской геологии Геологичной Службы США, USGS coastal and marine geology center; Асоциация Морскых Едукачных Проектох (главне сѣдлиско), Sea Education Association.
Образовны инштитуции Вудс Гоул належить до образовного округа Фалмес, котрый мать свою середну школу, Falmouth High School. Але окрем того од року 1913 фунгуе шпециална школа Woods Hole School, котра мать неофициалну назву Дѣточа Школа Наук Children's School of Science (CSS), де на вакациях и в позашколный час працовници научных инштитуций Вудс Гоула учать дѣтей з ориентациов на научны выгледованя и обсервацию природы. Будинок школы од року 1982 е в регистрѣ историчных памяток США.
Референции
Катеґорія:Населены пункты США