Викторианска доба

Викторианска доба — 64-рочный период панованя Виктории (1837–1901), кралицѣ Великой Британии, императрицѣ Индии.

Характеристика добы Викторианска епоха характерна значныма перемѣнами во многых сферах сполоченства, розвойом технологии, економикы, новотами политичной и социалной организации державы. В рокы панованя Виктории кральовство стало ся найвеце розвитов промысловов державов, найсилнѣйшов морсков и колониалнов империов, переживало добу найвекшой проспериты.Всемирная история в датах и событиях, сс. 329–

Виктория створила в основах днешну конфигурацию политичной системы Споеного кральовства, де роль монарха поступно перетворила ся на церемониалну, и тым заховала британску монархию. Коли 18-рочна вступила на трон, ани роль монарха, ани будучность монархии не были ясны и певны; а коли по ей смерти трон заняв ей сын, Едвард VII., о далшом тырваню монархии не быв жадный сомнѣв. Тото быв навызнамнѣйшый вымѣр панованя Виктории.Edgar Trevor Williams, Meredith Veldman. Хронология Викторианской добы Основны подѣи з Викторианской добы Споеного кральовства: 1837 — зачаток панованя Виктории 1839 — Англичане заяли Аден 1839–1842 — перва англо-афганска война 1839–1842 — перва опиумна война против Китая 1840 — анексия Нового Зеланда 1840 — апогей чартистского руха 1842 — Споене кральовства поражене в Афганистанѣ 1842 — од Китая Англичане добивають ся одступлѣня Гонконга и отворѣня пятьох приставох про ввоз опиума 1844 — по поражцѣ Бурох Наталия переходить под владу британской коруны 1846–1848 — великый голод в Ирландии 1850 — Австралии дарована конштитуция и часточна автономия 1851 — перва Свѣтова выставка в Лондонѣ 1851 — Англичане заяли Лагос 1852 — дарована широка автономия Новому Зеланду 1852–1853 — друга англо-бирманска война росширять колониалны землѣ Споеного кральовства 1853–1856 — Споене кральовство участнить ся во войнѣ за Крым против России 1861 — Сикким взятый под протекторат Споеного кральовства 1874 — Фиджи приключено ку Споеному кральовству 1877 — анексия Трансвааля (до року 1881) 1878 — Кипр доставать британску администрацию 1878–1880 — друга англо-афганска война 1882 — зачинать ся протекторат Споеного кральовства над Египтом 1883 — зачинать ся протекторат Споеного кральовства над юговостоком Новой Гвинеи 1884–1885 — парламентскы реформы в Споеном кральовствѣ 1885 — третя англо-бирманска война 1889 — Ньясаленд взятый под протекторат Споеного кральовства 1894 — протекторат Споеного кральовства над Угандов 1895 — протекторат Споеного кральовства над Кениов 1901 — смерть Виктории

Жерела и одказы Всемирная история в датах и событиях. Москва: ОАО Изд-во «Радуга», 2002 — Chronologie universelle/ Paris: Larousse, 1997

Референции

Катеґорія:История Споеного кральовства