Вербас, Врбас — рѣка в Боснии и Герцеговинѣ, котра вытѣкать на южных убочах горского пасма Враниця в Динарскых горах, обертать на сѣвер и по 240 км току вливать ся до Савы, яко ей лѣвый приток.
Вызнам рѣкы Характер токуГорный ток рѣкы до города Яйце, де во вышцѣ 380 м н.м. принимать свой первый векшый приток Пливу,Др Јован Ђ. Марковић, Градови Југославије. Београд, Завод за уџбенике и наставна средства, 1971. мае характер типовой горской рѣкы зо спадом около 10 м/км и лежить на територии Федерации Боснии и Герцеговины. Притокы и рѣка богаты на рыбу, а занотованы ту 22 виды. В нижньой половцѣ току зо спадом около 2,4 м/км тече по територии Републикы Сербской и мать вызнам з огляду гидроенергетикы. ГидроенергетикаУже в добѣ Австро-Мадярщины, в року 1894 ту зачала фунговати гидроелектрарня Яйце з выконом 8 MW, котра застачала енергию про хемичный промысел до року 1957. В року 1954 выбудовали ГЕ Яйце ІІ на выкон 30 MW, а од року 1957 реконштуовали ГЕ Яйце І на выкон 48 MW. В року 1981 дали до ходу третю велику ГЕ Бочац в Банялуцѣ, главном городѣ Републикы Сербской з выконом 110 MW. Але и так еще все выхоснованы суть лем 22,5% потенциала гидроенергии Вербаса. Туристика и водны шпортыО 12 км од Банялукы рѣка прорѣзала мальовный каньон, богатый на природны красоты, але суть ту ай историчны памятникы середновѣку, добры условия про туристику, рекреацию, рыбарѣня, водны шпорты. Рѣка была и е мѣстом великого числа водношпортовых перемагань, в року 2005 ту быв Европскый, а в року 2009 — Свѣтовый шампионат в рафтингу.
Жерела и одказы
Референции
Катеґорія:Рікы Боснии и Герцеговины Катеґорія:Рікы подля алфавиту Катеґорія:Рікы Европы