Фла́виус Пе́трус Сабба́тиус Юстиниа́нус, Flavius Petrus Sabbatius Iustinianus, Φλάβιος Πέτρος Σαββάτιος Ιουστινιανός, познатый як Юстиниа́н I. або Юстиниан Великый, *cca 482, Таврезиум, Византска империя – †14. новембер 565, Константинополь — византскый император од 1. августа 527 до своей смерти в року 565.Прохоров А. М., с. 1578.
Панованя Юстиниан быв един из найвекшых императорох конця античности, при котром тота доба ся зачала заступовати середновѣком, а римский штил панованя перемѣнив ся на византскый. Записав ся до истории як великый реформатор. Окончив кодификацию римского права, його Corpus juris civilis зоставав правнов основов империи аж до ей паду, а тыж став ся едным из жерел права в середновѣкой Европѣ, а значить, и основов сучасной правовой системы, а про историкох окрем того надзвычайно цѣнным жерелом историчным.Синиця Є.В., т. 10, сс. 708–709.
Выставив наново спустошеный пожаром храм Hagia Sophia так, же на многы вѣкы не было му пары меджи христианскыма церквами. Юстиниан чтеный яко святый Православной Церкви, з титулом «правовѣрный царь Иустиниан», памятный день — 14. новембер подля Юлианского календаря.ЮСТИНИАН ВЕЛИКИЙ.
Россяг империи
При Юстинианѣ Великом империя обсяговала на востоку Крым и часть Кавказа, на западѣ — часть Испании, на югу — Сѣверну Африку. Але уже о три рокы по його смерти империя утратила векшу часть завойованых територий.
Критика Особа и панованя Юстиниана историками оцѣнены нееднозначно: император быв отѣлесненым образом «византийского пановника». Нещирый, лицемѣрный, пыхатый и лукавый, не вагав зломити завязаны договоры и обѣцянкы ради досягнутя властных цѣлей. Подлягав моцному вплыву своей жены Теодоры, даколишной танцеркы ай куртизанкы: по ей смерти ся став як пановник вагавым. При його панованю розмог ся бюрократичный апарат, корупция, нестерпно росли данѣ, ба ай просты конфишкации маетку подданых, котры были заскаржены з «уражкы Величества». Така крутость провоковала многочислены бунты и повстаня, од самого зачатку його добы. Найвекшым критиком Юстиниана быв його сучасник Прокопий Кесарийскый.
Жерела и одказы Прохоров А. М. (гл. ред.): Большой энциклопедический словарь — Москва: Советская энциклопедия, 1993. — 1630 с. Синиця Є.В.: ЮСТИНІАН І // Енциклопедія історії України: Т. 10: Т-Я / Редкол.: В. А. Смолій (голова) та ін. НАН України. Інститут історії України. - К.: В-во "Наукова думка", 2013. — 688 с.Одчитане: 2020-06-23
Референции
Катеґорія:Византска империя Катеґорія:Императоры