Евсевий Кесарийскый, Εὐσέβιος τῆς Καισαρείας, тыж называный Евсевий Памфилов, Εὐσέβιος ὁ Παμφíλου, Eusebius Pamphili, *cca 265, Кесария Палестинска, Византска империя – †cca 340, там же — епископ, екзегет, полемиста ай историк, чий опис первых стороч христианства в його церковной истории е межником в христианской историографии.Зайцев Д. В.Encyclopædia Britannica
Биография Евсевий быв окрещеный и высвяченый в Кесарии, де быв учеником великого теолога Памфила, гоненого Римлянами за його вѣру и умершого в мучеництвѣ в року 310. Понеже гонѣня на вѣру при императорѣ Диоклетианѣ не переставало, Евсевий утѣк до Тиру, а пак до Египту. На память и з великого честованя свого учителя Евсевий прибрав собѣ патроним Памфилов. Евсевий захранив велику кесарийску библиотеку, котру зберав въедно зо своим учительом, а котра хоть не дошла до нашого часу, але послужила за основу и богато цитована в роботах Евсевия.
В року 311 вышов едикт императора Галерия о вѣротерпимости и Евсевий ся вернув до Кесарии, де в року 313 быв рукоположеный на епископа. Од року 323 Евсевий быв близкый ку двору императора Константина Великого и мав там высоку авториту до самой смерти.Давыдов И. П.
Творба Од року 318, коли ся роспалили христологичны споры довкола арианства и Арий быв выказаный з Александрии, он найшов собѣ симпатию в Кесарии и фактично говорив о Евсевиови як о свойом найвекшом прихылникови. Але в реалности Евсевий усиловав ся примирити обѣ стороны конфликта, прихыляючи ся ку субординационизму Оригена. Так и во своей творбѣ Евсевий выступуе лем як компилатор, цитуючи едного и другого автора, а лем там, де ся выявлять незгода меджи нима, додаючи кус свого авторского текста, в котром пробуе тоту незгоду потолковати и умѣрнити.
Евсевий написав множество робот апологетичного, библийно-экзегетичного, историко-гагиографичного, полемичного обсягу. Найпознатѣйшы суть: О палестинскых мучениках (303-311, гагиография); Хроника (303-323; проба неконтроверзного выкладу истории людства од сотворѣня свѣту); О богоявлѣню (полемика з неоплатоником Гиероклом; 311-313); Приуготовлѣня ку Евангелию и Доказы на хосен Евангелия (315-322, апология христианства); Церковна история в 10 книгах (325, од зачатку христианства до Никейского синода); Живот Константина и Похвала Константину (335, хвалоспѣвы) и др.
Оцѣнѣня Книгы Евсевия характерны систематичностьов и множеством обширных цитатох зоз иншых авторох, котрых творы ся стратили, зато якраз Евсевия нераз называли «отцьом христианской историографии».
Од боку церковного суджѣня о Евсевиови были нееднозначны. По його смерти дакотры восточны Церквы записали го меджи святы. Але факт, же не занимав тверду позицию односно догматох Церкви дав можность далшой полемикы, и быв на наступных Вселенскых соборах поддаваный все векшой критицѣ, аж наконець константинопольскый патриарх Фотий I. Великый выголосив го за еретика.
Жерела и одказы Давыдов И. П.: Евсевий Кесарийский Памфил // Энциклопедия религий / Под ред. А.П. Забияко, А.Н. Красникова, Е.С. Элбакян. — М.: Академический Проект, Гаудеамус, 2008. — 1520 с. ( Академический Проект) ( Гаудеамус), сс. 427–428. Зайцев Д. В.: ЕВСЕВИЙ КЕСАРИЙСКИЙ // Большая российская энциклопедия. Том 9. Москва, 2007, сс. 567–568 Редаговане:2017. Одчитане: 04.07.2020
Референции
Катеґорія:Теология Катеґорія:Єпіскопы Катеґорія:Історіци Катеґорія:Персоналії подля алфавіту