Павел Стефановскый (, ; 3. марец 1932, Бѣлянка, Рѣчь Посполита II. – 31. марец 2021, Варшава, Польща) — лемковскый сполоченскый активиста, писатель и етнограф.
Биография Уродив ся 3. марца 1932 в Бѣлянцѣ при Горлицях. В року 1947 в акции Висла з цѣлов родинов быв депортованый до околици Вроцлава.Ярослав Трохановскій В року 1952 закончив школу механизации земледѣлства,Просалова В. А.Севериян Косовскiй зыскавши фах електромонтера. Быв поволаный до войска на шорову службу, там выштудовав офицерску школу и зыскав шаржу подпоручника. В року 1959 вернув ся на Лемковину, де заложив успѣшны фолклорны колективы в Бѣлянцѣ, Команчи и Туринску ай включив ся и до политичной чинности як активиста Лемковской секции УСКТ (), единой в том часѣ организации, де Лемкы могли были выступати як етнична ентита.
Через цѣлый живот активно ся занимав захранѣньом лемковской културы и вопросом сполоченского статуса Лемкох. Позрѣня на етничну належность Лемкох перейшли еволуциев через рокы: быв пересвѣдченый, же суть окремѣшным народом, пристав на официалну партийно-штатну позицию, же Лемкы мають быти поважованы за часть украинской културы, быв той думкы, же суть частьов окремого русинского народу.Богдан Горбаль, Павло Роберт Маґочій
Павел Стефановскый умер 31. марца 2021 во Варшавѣ, на 90. року живота. Стало ся то в переддень списованя обывательства, а в приготовной усвѣдомлюючой кампании быв сопоставляный з иншым великым лемковскым политиком — Ярославом Качмарчиком.
Политично-сполоченска чинность Павел Стефановскый быв политично активный, участвовав у акциях. Еднов з такых, ещи в Зеленой Гурѣ организовав Дочасный сполоченско-просвѣтный комитет Русинох-Лемкох (), котрый ородовав у польскых и совѣтскых верхностей, жебы не плетли Лемкох з Украинцями а вызнали их окремѣшность. За таку дерзость быв выказаный з комунистичной партии и з Лемковской секции УСКТ. В року 1972 удало ся му вернути ся до организации и стати на челѣ Горлицкого оддѣлѣня. Ещи в року 1957 зачав ся од влады домагати политичного засуджѣня Акции Висла и направлѣня маетковых шкод, котры были починены выселеным Лемкам. В року 1989 створив про то Громадянскій Круг Лемків в Польщы «Господар», котрый в року 1991 перетворив на политичну партию Русинскій Демократичный Круг Лемків; писав соткы петиций, оскаржѣнь, воззвань и деклараций до польскых верхностей. В року 2003, незадоволеный рѣшѣнями польской влады, подав правоту до Европского Суду в правах чоловѣка в Страсбургу.
Културно-сполоченска чинность Екстерно выштудовав етнографию на Вроцлавской универзитѣ (1963–1969). Яко етнограф быв первым, што голосив до публичности, же малярь Никифор то Лемко, Епифаний Дровняк. Старав ся о музейництво, прислужив ся дарованьом експонатох Музею в Зиндрановой, Музею ремеселництва в Бѣлянцѣ, мав и красну властну домашю колекцию народных кройох. В организовав хоры по селах, быв меджи закладателями фолклорного колектива Лемковина, активно зберав лемковскый фолклор, записовав и филмовав народну творчость и традиции.
Лавреат вельох наград, меджи нима награды Малопольского воеводства, ци оцѣнѣня «Стоваришыня Лемків» — награды (Епифана Дровняка), штатной одзнакы Заслуженый Діяч Культуры.
Литературна творба Павел Стефановскый — вызначный сучасный лемковскый писатель и поет. Зачав публиковати в роках, найпервѣ в украинском тыжденнику Наше слово, переважно на „Лемківскій Сторінці“. Часто хосновав псевдонимы, напримѣр, Павел Компір. В 1960 р. в печатни Лемко-Союза выдав драму „Любов неволю ламе“. Од рокох публиковав авторскы зберкы поезий: Ікона. Лемківскій край (1985) Лемківска ікона — Łemkowski pejzaż (1985) Лем (1991) Лемківскій край (1993) Лемківскій біль (2002) Пісьні (2019, авторска зберка спѣванок)
Жерела и одказы Богдан Горбаль, Павло Роберт Маґочій: Стефановський Павло (Стефановскій Павел; Stefanowski Paweł) //
Просалова В. А. (ред.): Українська діаспора: літературні постаті, твори, біобібліографічні відомості — Донецьк: Східний видавничий дім, 2012. — 516 с. С. 414.
Референції
Катеґорія:Русиньскы поеты Катеґорія:Русиньскы умелцї Катеґорія:Русиньскы писателї