Закарпатска область () — область на крайном югозападѣ Украины, в верхном току рѣкы Тиса з центром в Ужгородѣ. На сѣверѣ граничить з Львовсков, на выходѣ з Ивано-Франковсков областями Украины. Область уникатна своев пологов: мать границѣ з четырма сосѣдныма державами: Польща, Словакия, Мадярщина и Румыния.
Мать розлогу 12 777 км² и 1 244 476 жительох (2022).
Створѣня области До октобра 1944 территория теперѣшной области выше 1000 роков была частьов Мадярщины, окрем рокох 1919—1939, коли была частьов Чехословакии. По приходѣ Червеной Армады, 26. октобра 1944 Первый зъѣзд Народных комитетов Закарпатской Украины в Мукачовѣ выголосив републику Закарпатска Украина и просив найвысшы органы УССР и СССР прияти ю в состав УССР.Тронько П., с. 60 Тота просьба была удоволена. Народна Рада Закарпатской Украины докончила величезну роботу организации житя новоствореной републики. Але република мала куртый живот. 22. януара 1946 указом Президиума Найвысшой Рады СССР она была перетворена в Закарпатску область в составѣ Украины з двома городами и 13 округами, а 25. януара в Закарпатской области были введены законы УССР.Пушкаш А., с.437
Административне дѣлѣня
Область административно дѣлить ся на 13 районов и два городы областного подряджѣня: Ужгород и Мукачово. Районы Закарпатской области (1946–2020): Береговскый район Великоберезнянскый район Виноградовскый район Воловецкый район Иршавскый район Межгорскый район Мукачовскый район Перечинскый район Раховскый район Свалявскый район Тячовскый район Ужгородскый район Хустскый район Административна реформа 2020 зоставила 6 районы згруба путьом инкорпорации сосѣдных: Береговскый район Мукачовскый район Раховскый район Тячовскый район Ужгородскый район Хустскый район
Застава области Архивны документы свѣдчать, же много раз чехословацкы власти пробовали въедно з мѣстными политиками Подкарпатской Руси створити прапор края, удоволяючый розличны политичны ориентации. Але вшиткы пробы натыкали ся на нерѣшимость вопроса: якый прапор мать быти в основѣ: славянскый триколор або украинскый сино-жовтый.Філіппов О., с. 60 Року 2006 быв выголошеный конкурс на проект заставы, але и тот не дав резултат. Наконець, под тиском политичных обстоянь, перед грядущым визитом в область Президента В. Ющенка, Областна Рада 27.02.2009 прияла нову заставу области, яка символизуе входжѣня области в Украину.Флаг Закарпатской области
Обывательство В дотрианонской добѣ найвекшы етничны групы обывательства были Русины/Украинцѣ, Мадяре, Румыны. По Трианонѣ поступно майже половка Мадярох выемигровала. Од року 1944 были вшыткы Русины без их згоды евидованы як Украинцѣ, так же не знати, што было едных, а што другых, а поствоенны совѣтскы репресии пережила лем третина Мадярох.Molnár József, Molnár D. István, с. 9. РокОбывательство Русины/Украинцѣ Мадяре Иншы Число % Число % Число % 1910 598 863 331 625 55,4 184 287 30,8 82 951 13,9 1921 612 442 372 523 60,8 111 052 18,1 128 867 21,0 1930 733 956 447 127 60,9 116 548 15,9 170 281 23,2 1941 854 772 502 329 58,8 233 840 27,4 118 603 13,9 1946 758 700 624 400 82,3 66 000 8,7 68 300 9,0 2001 1 254 614 1 010 127 80,5 151 516 12,1 92 971 7,4
Жерела и одказы Пушкаш А. Цивилизация или варварство. Закарпатье 1918–1945. Институт славяноведения РАН. М. Изд. «Европа», 2006. Тронько П. и др. (ред.). Історія міст і сіл України. Закарпатська область. К. 1969. Філіппов О. Питання створення прапора Підкарпатської Русі. - Ужгород: "Ліра", 2008. Флаг Закарпатской области Molnár József, Molnár D. István. Kárpátalja népessége és magyarsága a népszámlálási és népmozgalmi adatok tükrében. Beregszász, 2005
См. тыж Карпатска Русь Подкарпатска Русь Карпатска Украина Закарпатска Украина Русинскый язык
Референции
Катеґорія:Закарпатьска область Катеґорія:Области Україны Катеґорія:Підкарпатьска Русь