Os ditrisios (nombre cientifico Ditrysia) son un grupo natural d'insectos adintro d'es lepidopteros. Representan un clado a lo que no han dato categoría taxonomica, pero que incluye arredol d'o 98% d'as especies descritas de lepidopters. Incluye diferents especies tanto de paixarelasCon a variant paixareta. u viravolasEn singular, tamién viravolas. como de palometas
Tienen l'aparello vocal modificato que s'ha transformato enta una trompa, y as alas cobiertas d'escametas. En bi ha que son nocturnas y tamién diurnas.
Zoonimia En aragonés bi ha diferents zoonimos pa os integrants d'este clado, pero basicament son variants de "vola" u "voleta" y de "paixarela" pa as familias diurnas y "palometa" pa as familias nocturnas.
O conchunto de variants vola, voleta, viravolas podrían estar muito antigas y tener connexión con o gallego bolboreta y con o portugués borboleta, que han quiesto relacionar con un hipotetico *belbellita, formato a partir de bellus. Volondrina y volandrina son propias de l'benasqués y compartitas con o catalán ribagorzano d'a redolata de Las Paúls.
O conchunto de variants arredol de paixarela presentan una distribución principalment centro-oriental y son: pajarel, pajarela, pajarella, pasarella, pacharella, pajareta, paixarela, paixarelas, paixarella, paixareta y pasabela. Son claras derivacions d'o latín passer como a parola paixaro, y de feito beluna d'estas variats coincide con ciertas denominacions d'aus chicotas y con as laminerías que resultan d'escalfar cierta variedat de panizo.
En bella variant d'aragonés se solapan os dos tipos de denominación d'as formas diurnas, por eixemplo en chistabín tenemos pasabela y vola.
Notas
Referencias
*