Elato (Woleaian: Yelaat) ye un compuestu por tres islles en les Carolines Centrales nel Océanu Pacíficu y formen parte del distritu legistativu del estáu de Yap en la Federación de estaos de la Micronesia. Llocalízense aproximadamente a Oeste de Lamotrek. La población yera de 96 pobladores nel añu 2000, que viven en un espacio de pocu mas de mediu km².Instituto Habele, mas datos sobre Elato, Islles del Mundu, Elato, datos xeográficos,
Xeografía La islla ye un Atolón doble con un llargor total de 14 kilómetros y 2 kilómetros d'anchu. El componente norte, llamáu Elato, contién dos llagunes y tres castros. Ta conectada al componente sur, llamáu Lamolior, por una estrecha dorsal submarina. Lamolior tien dos castros. Los dos componentes formen parte del mesmu monte marín. L'área total de la tierra pa dambos componentes combinaos ye de namái 0,526 kilómetros cuadraos. El cercanu Atolón Olimarao pertenez alministrativamente a Elato.
Historia Como en toles Islles Carolines, la soberanía pasó al Imperiu d'Alemaña en 1899. La islla cayó sol control del Imperiu de Xapón dempués de la Primer Guerra Mundial, y foi darréu alministrada sol Mandatu de los Mares del Sur. Dempués de la Segunda Guerra Mundial, la islla pasó al control de los Estaos Xuníos d'América y foi alministrada como parte del Territoriu en Fideicomisu de les Islles del Pacíficu dende 1947, y pasó a formar parte de los Estaos Federaos de Micronesia dende 1979.
Referencies
Columbia Gazetteer of the World. Vol. 1, p. 900
Enllaces esternos
Informe de la espedición alemana del Pacíficu Sur 1908-1910
Categoría:Yap Categoría:Micronesia Categoría:Océanu Pacíficu Categoría:Wikipedia:Revisar traducción