Rosa María Crujeiras Casais ye una matemática española, catedrática en la Universidá de Santiago de Compostela. Foi directora científica del Centru d'Investigación y Tecnoloxía Matemática de Galicia (CITMAga).
Trayectoria Nació en 1978 n'Artes, nel conceyu de Ribeira. Llicenciose en Matemátiques pola Universidá de Santiago de Compostela en 2001. Doctorose n'Estadística ya Investigación Operativa en 2007 cola tesis Contributions to Spectral Spatial Statistics (Contribuciones a les estadístiques d'espectros espaciales). Nel Institutu d'Estadística de la Universidá Católica de Lovaina, en Bélxica, foi investigadora posdoctoral.
En xineru de 2009 tornó a la Universidá de Santiago de Compostela como profesora sustituta interina, desenvolviendo la so carrera académica nesta universidá. Ente 2010 y 2013, Crujeiras foi secretaria del Institutu de Matemátiques de la Universidá de Santiago de Compostela y ente 2013 y 2105, vicedecana de Matemátiques del mesmu centru. Ye investigadora del grupu de Optimización, Decisión, Estadística y Modelos d'Aplicaciones (MODESTYA). Convertose en Catedrática d'Estadística ya Investigación Operativa de la Universidá de Santiago de Compostela.
En 2020 foi nomada miembru de la Comisión de Muyeres y Matemátiques de la Real Sociedá Matemática Española. Dende xineru de 2023, ye miembru de los comités científicos de la Universidá Pública de Navarra y del IUMA de la Universidá de Zaragoza, dende avientu de 2024.
De setiembre de 2021 a 2025 foi Directora Científica del Centru d'Investigación y Tecnoloxía Matemática de Galicia (CITMAga), con un equipu de 94 investigadores. En 2026 convertiose en candidata a la rectoría de la Universidá de Santiago de Compostela.
Formó parte del comité editorial de publicaciones como el Journal of Nonparametric Statistics, Environmetrics, Spatial Statistics o el Journal of the Royal Statistical Society.
Reconocencies En 2014 foi reconocida col premiu John Chambers Statistical Software otorgáu pola Asociación d'Estadística d'Estaos Xuníos (RUSTI) que premia novedosos programes estadísticos que faciliten l'analís, visualización y manipulación de datos.
En 2024, foi reconocida colos Premios al Nuevu Talentu Científico Femenín promovidos pola Fundación Real Academia de Ciencies d'España pola so trayectoria na categoría de Matemátiques pola so aportación a la comprensión de los procesos xeneradores de datos complexos. Ese mesmu añu, xunto con les profesores María Alonso y Irène Gijbels, recibió el Premiu a la Meyor Contribución Metodolóxica n'Estadística promovido pola Sociedá d'Estadística ya Investigación Operativa (SEIO) y la Fundación BBVA para reconocer proyectos españoles con altu impactu internacional nos campos de la estadística y l'investigación.
Referencies
Categoría:Científicos y científiques d'España