La Mars Reconnaissance Orbiter (MRO) ye una sonda espacial de la NASA destinada al estudiu de Marte dende la órbita. Foi llanzada'l 12 d'agostu de 2005 y entró n'órbita alredor del planeta'l 10 de marzu de 2006.
La misión tien como oxetivos estudiar la superficie, el subsuelu y l'atmósfera marcianes, buscar indicios d'agua presente y pasada, caracterizar posibles zones d'aterrizaxe pa otres misiones y funcionar como repetidor de comunicaciones ente vehículos de la superficie y la Tierra.
Ente los sos instrumentos destaca la cámara HiRISE (High Resolution Imaging Science Experiment), capaz d'obtenir imáxenes de muy alta resolución de la superficie. Tamién lleva la cámara CTX, l'espectrómetru CRISM, el radar SHARAD y otros instrumentos científicos.
Les imáxenes de MRO permitieron identificar en 2015 los restos del módulu británicu Beagle 2, que llegara a Marte en 2003 cola misión europea Mars Express.
Amás de les observaciones científiques, la nave desempeña un papel importante na infraestructura de comunicaciones marciana, retransmitiendo datos de misiones de superficie.
Ver tamién Mars Express Esploración de Marte HiRISE
Referencies
Enllaces esternos Mars Reconnaissance Orbiter na páxina de la NASA.
Categoría:Esploración de Marte Categoría:Sondes espaciales de la NASA Categoría:Naves y artefautos espaciales llanzaos en 2005