Yoav Gallant ye un militar retiráu y políticu d'Israel que foi ministru de Defensa d'Israel ente avientu de 2022 y payares de 2024. Primero d'entrar na política desarrolló una carrera de 35 años nes Fuercies de Defensa d'Israel, nes que desempeñó distintos puestos de mandu. Como ministru de Defensa foi una de les principales autoridaes responsables de dirixir la invasión israelina de la Faza de Gaza.Yoav Gallant, Ministeriu de Defensa d'Israel. Consultáu'l 6 de setiembre de 2026.
Tres los ataques del 7 d'ochobre de 2023 lideraos por Hamás, Gallant anunció'l 9 d'ochobre un "asediu completu" de la Faza de Gaza, col corte de suministru d'electricidá y la prohibición de la entrada d'alimentos y combustible. Na mesma declaración afirmó que les fuercies israelines taben combatiendo contra "animales humanos".Israeli defense minister orders 'complete siege' on Gaza after Hamas surprise attack, Associated Press/PBS, 9 d'ochobre de 2023. La Comisión Internacional Independiente d'Investigación de les Naciones Xuníes consideró posteriormente que'l bloquéu d'agua, electricidá y combustible y les restricciones a l'ayuda humanitaria formaron parte de la estratexa d'asediu israelina y documentó estes declaraciones dientro del análisis de posibles crímenes internacionales.More than a human can bear: Israel's systematic use of sexual, reproductive and other forms of gender-based violence since 7 October 2023, Comisión Internacional Independiente d'Investigación de les Naciones Xuníes.
Invasión de Gaza y acusaciones internacionales El 21 de payares de 2024, la Corte Penal Internacional emitió una orde de detención contra Gallant y el primer ministru Benjamin Netanyahu. La CPI consideró qu'había motivos razonables pa creyer que dambos yeren responsables como coautores del crime de guerra d'usar la fame como métodu de guerra y de los crímenes contra la humanidá d'asesinatu, persecución y otros actos inhumanos. La Corte señaló que les restricciones impuestes al suministru d'alimentos, agua, melecines, combustible y electricidá afectaren gravemente a la población civil de Gaza y consideró que nun podía identificase una necesidá militar clara que xustificara estes restricciones. Tamién-y atribuyó responsabilidá como superior civil por ataques intencionaos contra población civil.Situation in the State of Palestine: ICC Pre-Trial Chamber I rejects the State of Israel's challenges to jurisdiction and issues warrants of arrest for Benjamin Netanyahu and Yoav Gallant, Corte Penal Internacional, 21 de payares de 2024.
Nel so informe sobre'l xenocidiu en Gaza del 16 de setiembre de 2025, la Comisión Internacional Independiente d'Investigación concluyó qu'Israel cometiera cuatro de los cinco actos constitutivos de genocidiu recoyíos na Convención pa la Prevención y la Sanción del Delitu de Xenocidiu y afirmó que Gallant, Netanyahu y el presidente Isaac Herzog incitaren a cometer xenocidiu. La Comisión consideró les declaraciones de Gallant como parte de la evidencia direuta d'intención xenocida y señaló posteriormente que, como ministru de Defensa, foi responsable de les actuaciones de les fuercies de seguridá israelines en Gaza.Israel has committed genocide in the Gaza Strip, UN Commission of Inquiry finds, Naciones Xuníes, 16 de setiembre de 2025.Israel seeks permanent control of Gaza, Jewish majority in Occupied Palestinian Territory and Israel, UN Commission of Inquiry says, Naciones Xuníes, 23 de setiembre de 2025. La CPI, sicasí, nun acusa individualmente a Gallant del delitu de xenocidiu: la so orde de detención refierse a crímenes de guerra y crímenes contra la humanidá.Warrant of arrest: Gallant, Corte Penal Internacional. Israel refugó les conclusiones de xenocidiu de la Comisión de la ONU, que calificó de sesgaes y políticamente motivaes.UN inquiry finds top Israeli officials incited genocide in Gaza, Reuters, 16 de setiembre de 2025.
Referencies
Enllaces esternos
Categoría:Ministros de Defensa d'Israel Categoría:Políticos y polítiques d'Israel Categoría:Militares d'Israel Categoría:Persones nacíes en 1958 Categoría:Persones acusaes de crímenes de guerra