Richard Ratsimandrava foi presidente de Madagascar mientres tan solo seis díes en 1975, ente'l 5 de febreru y el 11 de febreru, día en que foi asesináu.
Biografía Graduáu pola École Spéciale Militaire de Saint-Cyr, colexu militar en Francia, sirvió nes files del exércitu francés en diverses partes del África hasta que tornó a Madagascar en 1960, tres la declaración d'independencia. Pasó a formar parte del nuevu exércitu malgax, algamando'l rangu de teniente coronel en 1968. En 1972, el Presidente Gabriel Ramanantsoa estableció un gobiernu militar en sustitución del gobiernu del que fuera presidente dende la independencia, Philibert Tsiranana. Ratsimandrava foi nomáu Ministru del Interior nesi gobiernu. Dende esa posición, exerció la so capacidá d'influencia sobre l'exércitu, que-y sofitó como nuevu presidente tres la dimisión de Ramanantsoa el 5 de febreru de 1975. Seis díes dempués, Ratsimandrava foi asesináu mientres viaxaba en coche dende'l palaciu presidencial escontra la so casa. El socesu tuvo a puntu de sumir al país nuna guerra civil ente los siguidores del gobiernu militar y los del antiguu presidente Tsiranana. El xeneral Gilles Andriamahazo declaró la llei marcial y presidió el gobiernu militar de transición que dellos meses dempués dexaría'l poder a un gobiernu civil presidíu por Didier Ratsiraka.
Referencies
Enllaces esternos
Categoría:Presidentes de Madagascar Categoría:Persones d'Antananarivu