El presidente d'Irán () ye'l xefe del gobiernu qu'alministra la República Islámica d'Irán. El de presidente ye'l cargu eleutu de mayor rangu del país, solo per debaxo del líder supremu d'Irán, que fai la función de xefe d'Estáu del país (Rahbar-y Nezâm).Constitución d'Irán, principiu 113: El Presidente de la República ye la máxima autoridá oficial del país, dempués del Líder, y tien al so cargu la responsabilidá de cumplir la Constitución y presidir el Poder Executivo, sacante naquellos ámbitos que correspuenden direutamente al líder. El Presidente d'Irán ye escoyíu pa un mandatu de 4 años pol votu direutu popular, y nun puede sirvir más de dos mandatos consecutivos, esto ye, 8 años.
El Capítulu IX de la Constitución de la República Islámica d'Irán establez les calificaciones de los candidatos a la presidencia y los procedimientos pa la eleición, según los poderes y les responsabilidaes del Presidente como "funciones del executivu". Estes inclúin roblar trataos y otros alcuerdos con países estranxeros y organizaciones internacionales, alministrar la planificación nacional, el presupuestu y los asuntos d'empléu estatal, según designar ministros, suxetos a l'aprobación del Parllamentu.Iran - Constitution Capítulu IX, seición 1 & 2 de la Constitución Al contrariu que nel sistema executivu d'otros países, el Presidente d'Irán nun tien el control absolutu de la política d'esteriores, les Fuercies Armaes y la política nuclear, una y bones estes tán sol control del Líder SupremuMahmoud Ahmadinejad Consultáu'l 23 de mayu de 2008, (vease tamién l'Artículu 110 de la constitución)
L'actual Presidente d'Irán ye Hasán Rouhaní, quien asumió'l so cargu'l 3 d'agostu de 2013, tres les eleiciones presidenciales de 2013. Foi'l socesor de Mahmud Ahmadineyad, quien tuvo 8 años nel cargu, de 2005 a 2013.
Historia So la xefatura del ayatolá Jomeini, el cargu de presidente de la república foi eminentemente honoríficu, hasta qu'en 1989 una reforma constitucional esanició'l cargu de primer ministru, tresfiriendo les sos competencies executives al presidencial.
Funciones El presidente puede designar a los miembros del gobiernu.Principiu 133 de la Constitución iranina. Puede cesar a cualesquier de los miembros del Gobiernu.Principiu 136 de la Constitución iranina. En siendo aprobáu un proyeutu de llei pola Asamblea Consultiva Islámica, el Presidente ta obligáu de ratificalo, tres lo qu'adquier rangu de llei.Principiu 132 de la Constitución iranina. Anque según la Constitución el Líder Supremu ye'l Comandante en Xefe de les Fuercies Armaes, un Presidente puede ser designáu como comandante cola aprobación del Líder Supremu. Por casu, el primer Presidente d'Irán, Abolhasán Banisadr, tamién foi comandante de les Fuercies Armaes. El presidente noma al secretariu del Conseyu Cimeru de Seguridá Nacional. Noma a los gobernadores de les provinciesPrincipiu 103 de la Constitución iranina. y ratifica los embaxadores d'Irán n'otros países, a propuesta del ministru d'Esteriores.Principiu 128 de la Constitución iranina. Hasta apocayá tiempu, tenía'l poder de nomar a los alcaldes de les ciudaes. Sicasí, se delegó esti poder a les ciudaes, les Asamblees Locales, que son escoyíes direutamente pol pueblu y tán tutelaes pol Parllamentu.
Notes y referencies
Ver tamién Llista de Presidentes d'Irán Política d'Irán Vicepresidente d'Irán Primer Dama d'Irán
Enllaces esternos Testu íntegru de la Constitución de la República Islámica d'Irán
Irán Presidencia