Mónica López Barahona ye una bioquímica, especializada en Bioloxía molecular, investigadora española nel campu de la Oncologia molecular.
Biografía En llicenciándose en Ciencies Químiques (especialidá de Bioquímica y Bioloxía molecular) na Universidá Complutense de Madrid (1983-1988), concluyó la so tesis doctoral nel MD Anderson Cancer Center de Houston, doctorase en Ciencies Químiques, na especialidá de Bioquímica y Bioloxía Molecular, na mesma universidá madrilana (1988-1991). Posterioremente realizó un Máster en Filosofía.
Ta casada con Mariano Barbacid.
Investigación La so llinia d'investigación básica desenvolvióse'l campu de la Oncoloxía Molecular tantu en centros nacionales: Hospital Xeneral Universitariu Gregorio Marañón, Institutu d'Investigaciones Biomédiques (CSIC), Antibióticos Farma; como en centros internacionales: Institutu Max-Planck für Strahlein Chemie (Mülheim an der Ruhr), Institutu d'Investigación de Patoloxía Molecular (Viena), MD Anderson Cancer Center (Houston) o Bristol-Myeres Squibb (Princeton).
Les sos investigaciones atópense publicaos en diverses revistes científiques y supunxeron más de trescientes comunicaciones en congresos nacionales ya internacionales. Foi nomada como esperta en Bioética -Biotecnólogo- por diversos organismos: el Conseyu d'Europa, el Ministeriu de Xusticia (España, 1999), Naciones Xuníes, el Ministeriu de Xusticia (España, 2002); vocal del Comité Asesor d'ética na Investigación Científico y Tecnolóxico, nomada pol Ministeriu de Ciencia y Teunoloxía (España, 2002)
Docencia Profesora d'Oncoloxía Molecular y Bioética na Universidá Francisco de Vitoria, onde foi Decana de la facultá de Ciencies Biosanitarias (1996-2006). Tamién foi Direutora Xeneral Científica y Téunica del Bancu de célules troncales de sangre de gordón umbilical VidaCord, y darréu Direutora Xeneral Académica del Centru d'Estudios Biosanitarios.
Asociaciones a les que pertenez Vocal del Comité Asesor d'Ética na Investigación Científico y Téunico Miembru del Comité Direutor de Bioética del Conseyu d'Europa * Miembru correspondiente de l'Academia Pontificia pola Vida, nomada por Xuan Pablo II (Roma, 1999) Miembru Ordinariu de la Pontificia Academia pa la Vida, nomada por Benedicto XVI (2007), y confirmada por Francisco (2017) Direutora de la Cátedra de Bioética Jérôme Lejeune, Madrid Direutora xeneral académica del Centru d'Estudios Biosanitarios (CEB)
Premios Foi reconocida con diversos premios, ente los que destaquen: Premiu de l'Asociación Española Contra'l Cáncer, 1988. Premiu Human Frontiers Science, Programa, 1994. Premiu Pfizer 2000. Premiu Excelencia FEDEPE (2004)
Enllaces esternos Mónica López Barahona na Enciclopedia de Bioética
Referencies
Categoría:Oncólogos d'España Categoría:Químicos y químiques d'España Categoría:Químicos y químiques d'España Categoría:Premiu Pfizer Categoría:Bioquímicos y bioquímiques d'España Categoría:Científicos y científiques d'España Categoría:Wikipedia:Mantenimientu:Persones ensin plantía nym