Manuel de Vereterra y Lombán foi un políticu asturianu.
Biografía Manuel de Vereterra y Díaz de Lombán de Carreño ya Ibáñez, conocíu como Marqués de Canillejas, o como Manolo Gastañaga, nació n'Uviéu en 1852. Yera fíu de Miguel de Vereterra y Carreño, marqués de Gastañaga y de Deleitosa, que foi diputáu a Cortes y senador del Reinu, y de Amalia Lombán, siendo'l quintu de los seis fíos habíos en dichu matrimoniu.
Al fallecimientu del so hermanu José María Vereterra y Lombán, Manuel de Vereterra casó cola so vilba, Isabel Armada Fernández de Córdoba, Marquesa de Canillejas y Grande d'España, utilizando Manuel de Vereterra dende entós los títulos de la so muyer, especialmente'l de Canillejas, pol que yera conocíu. Al fallecimientu d'Isabel Armada'l 26 de febreru de 1909, el matrimoniu tenía cuatro fíos.
Mientres la so vida Manuel de Vereterra exerció de xefe del partíu conservador n'Asturies a les órdenes d'Alejandro Pidal y Mon. Foi diputáu a Cortes pol distritu de Castropol ente 1878 y 1886, y diputáu a Cortes pol distritu d'Uviéu dende 1891 hasta 1914, fecha na que foi nomáu senador vitaliciu, situación qu'ostentaría hasta 1923. Amás, foi maestrante de Granada, gentilhombre de cámara de S. M., con exerciciu y servidume dende 1882, y Gran Cruz de Carlos III dende 1896, tando en posesión de la Gran Cruz Pontificia de San Gregorio'l Magnu.
Manuel de Vereterra morrió en Llanes el 17 de setiembre de 1931.
Bibliografía Martín-Mateos, Nicomedes: Biografíes asturianes: primer serie. Madrid : Imp. part. de Patria y Lletres, 1916. García Mijares, Manuel: Apuntes históricos, xenealóxicos y biográficos de Llanes y los sos homes. Torrelavega: Establecimientu Tipográficu de "El Dobra", 1893.
Referencies
Enllaces esternos
Noticia del fallecimientu d'Isabel Armada Fernández de Córdoba apaecía nel periódicu ABC del 27 de febreru de 1909. Na páxina web del Senáu d'España puede consultase información rellacionada col so espediente y la so actividá parllamentaria. En Apuntes históricos, xenealóxicos y biográficos de Llanes y los sos homes puede consultase el capítulu V del llibru IV onde se fai referencia a la familia Vereterra.
Categoría:Políticos y polítiques d'Uviéu Categoría:Políticos y polítiques del Partíu Lliberal-Conservador d'España Categoría:Diputaos y diputaes d'España Categoría:Senadores d'España