L'Institutu de Euskera de la Universidá del País Vascu ye un institutu dedicáu a la investigación sobre l'euskera. Ente los materiales puestos a disposición del públicu figuren, ente otros, los siguientes:
SEG (Sareko Euskal Gramatika): Trátase d'una gramática en rede, con capítulos dedicaos a la fonética, fonoloxía, hestoria, dialeutos, datos sociollingüísticos, etc.
ETC /Egungo Testuen Corpusa: Corpus llingüísticu basáu en testos de lliteratura y prensa del sieglu XXI. 205 millones de pallabres.
EPG (Ereduzko Prosa Gaur): Corpus llingüísticu basáu en testos de lliteratura y prensa del periodu 2001-2006. 25 millones de pallabres.
EPD (Ereduzko Prosa Dinamikoa): Corpus llingüísticu de periodos de cinco años, actualízase cada añu, incorporando'l postreru y borrando el primeru. 15 millones de pallabres
Pentsamenduaren Klasikoak corpusa: Corpus llingüísticu basáu nos testos de la coleición KLASIKOAK , que recueye los llibros más influyentes del pensamientu clásicu universal.
Goenkale Corpusa: Corpus llingüísticu basáu nos diálogos de la serie del mesmu nome en ETB. Contién 13,3 millones de pallabres.
Zuzenbide Corpusa: Corpus especializáu basáu en testos llegales. Actualízase cada añu. Contién 7,3 millones de pallabres.
Zehazki: Diccionariu castellanu-euskera , con más de 100.000 entraes.
Egungo Euskararen Hiztegia (EEH): Diccionariu euskera-euskera de la llingua vasca nel sieglu XXI. N'ellaboración. Más de 75.000 entraes a la finalización.
Kalkoen Behatokia (Observatoriu de calcos llingüísticos): Recueye exemplos de los calcos más habituales de les llingües en contautu cola llingua vasca.
Basque Grammar: Gramática sobre la llingua vasca.
ELI (Euskal Literaturaren Katalogoa): Catálogu interactivo de les obres de lliteratura vasca traducíes a otros idiomes.
L'Institutu de Euskera ta dirixíu por Pello Salaburu
Referencies
Enllaces esternos
Categoría:Eusquera