Касцёл Святога Айца Піо — мураваны каталіцкі храм у гарадскім пасёлку Лёзна Віцебскай вобласці. Знаходзіцца на вуліцы Томскага, 2Лёзна — Парафія Св. Айца Піо.
Гісторыя Парафія ў Лёзне вядзе свой пачатак са жніўня 2001 года, калі на мясцовых могілках была адпраўлена першая святая імша. Згодна з рашэннем біскупа Уладзіслава Бліна, арганізацыя новай парафіі ў Лёзне была даручана ксёндзу Андрэю Бочару, пробашчу парафіі Маці Божай з ля Салет у Віцебску.
Спачатку рэгулярныя малітоўныя сустрэчы і штотыднёвы ўдзел у эўхарыстыі адбываліся ў жылым доме спадарыні Ганны Дубікоўскай на вуліцы Гагарына. Пры ўдзеле сясцёр супольнасці Езуса Міласэрнага распачалася таксама катэхеза для дзяцей у памяшканні мясцовай сацыяльнай дапамогі. У гэты час утварылася першая парафіяльная супольнасць (20 чалавек), дзякуючы чаму стала магчымай рэгістрацыя парафіі, што ўрэшце і адбылося 14 верасня 2001 года. У жніўні 2001 года быў куплены дом па вул. Томскага, 2 з прылягаючай тэрыторыяй. Дом быў адаптаваны пад капліцу і да 2010 года ў ім адбываліся службы.
У 2010 годзе капліца была разабрана і на тэрыторыі было распачата будаўніцтва новага мураванага касцёла. У 2013 годзе быў пакладзены дах і распачаты ўнутраныя аздабленчыя працыПАРАФІЯ СВЯТОГА АЙЦА ПІО Ў ЛЁЗНА.
Пробашчы парафіі Андрэй Бочар (2001—2002) Ежы Лісь (2002—2003) Анджэй Табор (2003—2004) Баляслаў Келан (2004—2005) Алег Півавар (распачаў служыць у 2005 годзе) Сяргей Мацюшонак (адміністратар з 2016)
Спасылкі Лёзна — парафія Св. а. Піо — http://catholic.by/
Катэгорыя:Славутасці Лёзна Катэгорыя:Культавыя збудаванні Лёзненскага раёна Катэгорыя:Касцёлы Віцебскай дыяцэзіі Катэгорыя:Касцёлы Віцебскай вобласці