Касцёл Святой Тройцы — колішні касцёл езуітаў у горадзе Чачэрску (Гомельская вобласць).
Гісторыя Езуіцкая місія пачала дзейнічаць у Чачэрску з 1754 года, калі езуіты з магілёўскага калегіума пабудавалі тут капліцу, а пазней драўляны касцёл.
Мураваны касцёл быў пабудаваны за сродкі новага уладальніка горада — графа Захара Рыгоравіча Чарнышова. Атрымаўшы Чачэрск у 1774 годзе, граф Чарнышоў задумаў перабудаваць яго па прыкладзе сваёй сядзібы Ярапалец Валакаламскага павета, дзе будынкі былі звязаны агульнай сцяной.
Паводле звестак Аляксандра Дамбавецкага, касцёл быў пабудаваны ў 1784 годзе. З 1788 года пры касцёле дзейнічае парафіяльная школа (1 з выкладчыкаў езуіт, адзін — свецкі настаўнік). У 1802 годзе ў школе было 44 вучні. У 1806 годзе школа была закрытая.
Пасля выгнання езуітаў з Расійскай імперыі ў 1820 годзе касцёл застаецца парафіяльным. Гомельскі дэканат парафіі ў 1880 годзе меў 1926 вернікаў-каталікоў, у 1917 годзе — 1810.
Пасля Другой сусветнай вайны застаўся непашкоджаным. У 1950-х гадах будынак касцёла быў у паўзруйнаваным стане. Пазней канчаткова зруйнаваны. На тэрыторыі касцёла цяпер прыватны сектар забудовы.
Крыніцы
Спасылкі Касцёл Святой Тройцы | Чачэрск
Катэгорыя:Славутасці Чачэрска Катэгорыя:Храмы Чачэрскага раёна Катэгорыя:Колішнія касцёлы Гомельскай вобласці Катэгорыя:1784 год у Беларусі Катэгорыя:Ордэн езуітаў на Беларусі