Фістуліна пячоначная або пячоначніца звычайная (Fistulina hepatica) — шапкавы базідыяльны грыб з парадку агарыкальных.
Апісанне Пладовае цела дыяметрам 10—30 см, таўшчынёй да 6 см, вельмі мясістае і шчыльнае, сядзячае ці з кароткай тоўстай бакавой ножкай, часам заглыбленай у субстрат. Паверхня шапкі радыяльна-паласатая, аранжава-чырвоная, крывава-чырвоная, у старасці пурпурна-бурая. Край прытуплены. Тканіна тоўстая, мясістая, у маладых грыбоў сакавітая. Смак кіславаты.
Пашырэнне Пашырэнне: Еўропа, Каўказ, Паўночная Амерыка. На Беларусі ахоўваецца ў нацыянальным парку «Белавежская пушча».
Сустракаецца ў лісцевых лясах. Расце на пнях, ствалах жывых і мёртвых лісцевых дрэў, пераважна дуба і каштана.
Асаблівасці біялогіі Выклікае бурую гніль. Драўніна дуба пры працяглым уздззеянні грыба размякчаецца. Пладовыя целы ўтвараюцца ў чэрвені — верасні.
Выкарыстанне Дэкаратыўны ядомы грыб.
Спасылкі
Катэгорыя:Агарыкальныя Катэгорыя:Чырвоная кніга Беларусі Катэгорыя:Ядомыя грыбы