Анатоль Фёдаравіч Комар (у эміграцыі Ромар; , — ?) — беларускі палітык, навуковец, дзеяч беларускай эміграцыі. Беларускі калабарант з нацыстамі ў часы Другой сусветнай вайны.
Біяграфія Да вайны працаваў дацэнтам Мінскага політэхнічнага інстытута. Пасля захопу Мінска немцамі, з ліпеня 1941 года працаваў у гарадской адміністрацыі. Пасля забойства Вацлава Іваноўскага, са снежня 1943 года — бурмістр Мінска. Яго сакратарка выратавала Комару жыццё — знайшла падкладзеную партызанамі міну.
Удзельнік Другога Усебеларускага кангрэса (1944).
Незадоўга да прыходу Чырвонай Арміі эміграваў у Заходнюю Германію. Супрацоўнічаў з рознымі антыкамуністычнымі рухамі — напрыклад, член Камітэта вызвалення народаў Расіі.
На эміграцыі змяніў прозвішча на Ромар.
Памёр і пахаваны ў французскай частцы Канады.
Літаратура
Соловьев, А.К. Белорусская Центральная Рада: создание, деятельность, крах / А.К. Соловьев. — Мн. : Навука і тэхніка, 1995. — 176 с.
Катэгорыя:Пахаваныя ў Канадзе Катэгорыя:Палітыкі Беларусі Катэгорыя:Беларускі калабарацыянізм Катэгорыя:Удзельнікі Другога Усебеларускага кангрэса Катэгорыя:Кіраўнікі Мінска