Сіву́ха (Tricholoma terreum) — шапкавы базідыяльны грыб сямейства радоўкавых.
Апісанне Шапка дыяметрам 4-7 см, шыроказваночкападобная, потым плоская або пукатая, часта з бугром, з хвалістым краем, валакніста-лускаватая, сухая, шэрая, шэра-бурая, па краі больш светлая. Мякаць тонкая, шчыльная, белаватая, потым шараватая. Пласцінкі прырослыя зубцом, густыя, белаватыя, потым бежава-шараватыя, з няроўным краем. Ножка цыліндрычная, роўная, суцэльная, потым полая, уверсе белаватая, мучністая, унізе шараватая, часам з бураватым адценнем. Споры авальна-эліпсоідныя, гладкія, бясколерныя.
Пашырэнне Пашырана ва ўмераных шыротах Паўночнага паўшар’я. Сустракаецца ў Еўропе, Сібіры, на Каўказе, Далёкім Усходзе. На Беларусі расце групамі ў хваёвых і мяшаных лясах. Пладаносіць у жніўні-кастрычніку.
Выкарыстанне Ядомы грыб, збіраецца звычайна разам з падзялёнкай.
Літаратура
Катэгорыя:Радоўка Катэгорыя:Ядомыя грыбы