«Евангелле паводле Пілата» () — другі раман французскага пісьменніка Эрыка-Эманюэля Шміта, апублікаваны ў 2000 годзе. Тэатральная адаптацыя рамана мае назву «Мае евангеллі» (Mes évangiles).
Сюжэт Частка першая. У Гефсіманскім садзе Ісус разважае аб мінулых падзеях свайго жыцця і сваім цяперашнім становішчы, асабліва засяроджваючыся ў думках на тым, што мусіць здарыцца наступным ранкам. Калі рымскія салдаты прыйдуць па яго, распрацаваная з Іудам Іскарыётам задума па распаўсюджанні Божага слова стане ажыццяўляцца. Але Ісус сумняваецца: ці насампраўдзе ён сын Божы?
Частка другая. Рымскі прэфект Понцій Пілат расказвае ў лістах да свайго брата хаду даручанага яму раследавання па пошуку зніклага цела ўкрыжаванага чалавека па імені Ешуа.
Беларускія пераклады На беларускую мову раман перакладзены Андрэем Хадановічам у 2012 годзе.
Літаратура Eric-Emmanuel Schmitt: L’Evangile selon Pilate, A. Michel, Paris 2000, ISBN 2-226-11674-5 Шміт, Э.-Э. Евангелле паводле Пілата: раман / пераклад з французскай мовы Андрэя Хадановіча. — Мінск: Зміцер Колас, 2012. — 205 с — (Littera scripta)
Спасылкі А. Хадановіч пра раман «Евангелле паводле Пілата» // YouTube
Катэгорыя:Раманы на французскай мове Катэгорыя:Раманы XX стагоддзя Катэгорыя:Кнігі 2000 года