Самахвалавіцкая сярэдняя школа — дзяржаўная сярэдняя агульная ўстанова адукацыі ў агр. Самахвалавічы.
У школе маецца акрамя агульнай адукацыі праводзіцца музычнае і харэаграфічнае выхаванне, а гэтак жа маецца краязнаўчы музей і фальклорна-этнаграфічная выставачная экспазіцыя «Беларуская хатка».
Навучанне вядзецца на рускай мове. Гісторыя Да 1839 года прыходская школа пры грэка-каталіцкай царкве. З 1839 па 1863 год праваслаўная царкоўна-прыходская школа, а з 1863 народнае вучылішча.
З 1921 года ўзгадваецца як сямігадовая працоўная школа, у тыя ж годы ў школе быў створаны музей, які не захаваўся. З 1930 Самахвалавіцкая сярэдняя школа. У 1953 годзе пабудаваны новы двухпавярховы будынак школы на месцы былога маётку, а ў 1960 годзе на базе школы створаны краязнаўчы музей. У 1974 годзе ля школы пастаўлен бюст Уладзіміра Амельянюка. У 1975 годзе абудаваны новы трохпавярховы корпус школы, а ў старым па сённяшні час месціца пачатковая школа.
У 2000 годзе рэарганізавана ў Самахвалавіцкую агульнаадукацыйную сярэднюю школу з агульнаэстэтычным ухілам. З 2008 года Самахвалавіцкая агульнаадукацыйная сярэдняя школа, з 2011 года Самахвалавіцкая сярэдняя школа.
Вядомыя асобы
Вучні Уладзімір Сцяпанавіч Амельянюк — адзін з арганізатараў і кіраўнікоў антыфашысцкага падполля ў Мінску. Наталля Валер’еўна Кухарчык — доктар біялагічных навук, дацэнт. Леанід Аляксандравіч Улашчанка — заслужаны артыст Рэспублікі Беларусь. Андрэй Германавіч Задорын — беларускі, нідэрландскі мастак. Ганна Міхайлаўна Дзмітрыева — кандыдат біялагічных навук. Таццяна Яўгенаўна Старасценка — кандыдат філалагічных навук (беларуская мова).
Настаўнікі Анатоль Паўлавіч Жытко — доктар гістарычных навук, прафесар. Працаваў настаўнікам гісторыі.
Катэгорыя:Школы Мінскага раёна Катэгорыя:Самахвалавічы (аграгарадок)