Універсітэт Нагор’я і Астравоў () — брытанская дзяржаўная вышэйшая навучальная ўстанова са статусам універсітэта з сядзібай у горадзе Інвернес у Шатландыі.
Агульная характарыстыка Гэта федэратыўны ўніверсітэт, які складаецца з іншых амаль самастойных акадэмічных устаноў, якімі з'яўляюцца 13 каледжаў і навукова-даследчых інстытутаў у горных раёнах і на астравах Шатландыі, якія забяспечваюць вышэйшую адукацыю і праводзяць даследаванні. Яго выканаўчы офіс знаходзіцца ў будынку былога Каралеўскага паўночнага лазарэта ў Інвернесе.
Універсітэт мае шэраг праграм бакалаўрыяту, аспірантуры і іншых даследчых праграм, большасць з якіх можна вывучаць у розных месцах па ўсім рэгіёне. На курсах бакалаўрыяту і аспірантуры навучаюцца каля 10 000 студэнтаў і 30 000 слухачоў курсаў дадатковай адукацыі. Ёсць 70 навучальных цэнтраў.
Спасылкі
Афіцыйная інтэрнэт-старонка ўстановы
Катэгорыя:Універсітэты Вялікабрытаніі Катэгорыя:Інвернес