Лісі (груз. ლისის ტბა) — возера ў Грузіі ў даліне ракі Кура на захад ад Тбілісі. Мае памеры 800 на 550 м. Возера акружае камяністы стэпавы ландшафт з нешматлікай расліннасцю. Вышыня над узроўнем мора — 624 м.
Клімат Клімат цёплы, міжземнаморскі. Сярэднегадавая норма ападкаў складае каля 400 мм, колькасць дажджлівых дзён у годзе не перавышае 30. На працягу 10-20 дзён возера пакрыта снегам. Сярэдняя тэмпература вады змяняецца ад 0°С у студзені да 23°С у ліпені. Максімальная зафіксаваная тэмпература складае 37 °C.
Гаспадарчае выкарыстанне У 2007 годзе возера было прададзена ўрадам Грузіі з аўкцыёну грузінскай кампаніі GRDC Group за 182 мільёны долараў. План развіцця тэрыторыі прадугледжваў будаўніцтва забаўляльнага комплексу.
Група на чале з дырэктарам TBC Bank Мамукай Хазарадзэ прапанавала 182 мільёны долараў за 354 гектары зямліLisi Development website Archived 2013-10-29 at the Wayback Machine. Умовы здзелкі з урадам патрабавалі, каб група Хазарадзэ выдаткавала 30 мільёнаў долараў на мадэрнізацыю камунальных службаў у гэтым раёне і на сістэму забеспячэння возера прэснай вадой. Група Хазарадзэ адмовілася ад умоў здзелкі і купіла зямлю непасрэдна ў горада за 55 мільёнаў долараў ЗША"Land Grab Penalties Forgiven" OCCRP Report. Купленая зямля будзе забудавана камерцыйным жыллём.
Спасылкі
Lisi Lake to Regain Past Glory, by Nino Patsuria. Georgia Today October 6, 2006.
Катэгорыя:Азёры Грузіі Катэгорыя:Тбілісі