Іэн Гібанс (; , Вялікабрытанія — , ЗША) — брытанскі біяфізік і клетачны біёлаг. Член Лонданскага каралеўскага таварыства (1983), доктар філасофіі (1957), даследчык Каліфарнійскага ўніверсітэта ў Берклі, да 1997 года прафесар Гавайскага ўніверсітэта, лаўрэат прэміі Шаа (2017, сумесна з Рональдам Вейлам). Першаадкрывальнік дынеіну.
У Кембрыджскім універсітэце атрымаў ступені бакалаўра фізікі (1954) і доктара філасофіі па біяфізіцы (1957). У 1957—1958 гадах постдок у Пенсільванскім універсітэце. У 1958—1967 гадах працаваў у Гарвардзе: даследчы фэла, лектар, асістэнт-прафесар кафедры біялогіі. У 1967—1969 гадах асацыіраваны прафесар, у 1969—1997 гадах прафесар біяфізікі Гавайскага ўніверсітэта, адкуль у 1997 годзе сышоў у адстаўку і перабраўся ў Каліфарнійскі ўніверсітэт у Берклі, у якім у 1997—2009 гадах вучоны-даследчык (працаваў у лабараторыі эмерыт-прафесара Бета Бёрнсайда, якая закрылася ў 2009 годзе), а з 2009 года запрошаны даследчык. У 1993—1996 гадах кіраваў марской лабараторыяй Kewalo Marine Lab Гавайскага універсітэта ў Манаа.
Катэгорыя:Дактары філасофіі Катэгорыя:Лаўрэаты прэміі Шаа Катэгорыя:Выпускнікі Кембрыджскага ўніверсітэта Катэгорыя:Малекулярныя біёлагі Катэгорыя:Біяфізікі Вялікабрытаніі Катэгорыя:Цытолагі