«Дом Цмока» () — амерыканскі фэнтэзійны тэлесерыял у жанры фэнтэзі, які з’яўляецца незалежным прыквелам «Гульні тронаў» (2011—2019) і другім серыялам у франшызе «Песня Лёду і агню». Праект створаны Джорджам Р. Р. Марцінам і для тэлеканала HBO. Абодва серыялы заснаваны на серыі раманаў Марціна «Песня Лёду і агню». Кондал і Мігель Сапочнік выступаюць шоуранерамі праекта. «Дом Цмока» заснаваны на некаторых частках рамана «Полымя і кроў» і яго дзеянні разгортваюцца прыкладна за 200 гадоў да падзей «Гульні тронаў», за 172 гады да нараджэння Дайнэрыс Таргарыен, нашчадка аднайменнага каралеўскага дома, і праз 100 гадоў пасля аб’яднання сямі каралеўстваў дзякуючы заваяванням Таргарыенаў. У серыяле апавядаецца пра пачатак канца Дома Таргарыенаў, падзеях, якія прывялі да грамадзянскай вайны за трон, вядомую як «Танец Драконаў», і пра саму вайну.
Заказ на стварэнне «Дома цмока» паступіў у кастрычніку 2019 года, кастынг стартаваў у ліпені 2020 года, а асноўныя здымкі пачаліся ў красавіку 2021 года ў Вялікабрытаніі. Прэм’ера серыяла адбылася 21 жніўня 2022 года, першы сезон складаецца з дзесяці серый. Праз пяць дзён пасля прэм’еры серыял быў падоўжаны на другі сезон. Сапочнік пасля першага сезона пакінуў пасаду шоуранера, пакінуўшы Кондала адзіным шоуранерам на другі сезон. Першы сезон атрымаў досыць станоўчыя водгукі, эксперты адзначылі аркі персанажаў, сцэнарый, музыку і акцёрскую ігру (асабліва Кансідайна, Сміта, Д’арсі, Алкок і Кук). Аднак тэмп апавядання, асабліва часовыя скокі, і асвятленне ў некаторых сцэнах падвергліся крытыцы. Прэм’еру серыяла на HBO Max і кабельных каналах паглядзелі больш за 10 мільёнаў гледачоў, што стала самым вялікім паказчыкам у гісторыі HBO.
Сюжэт Серыял распавядае пра падзеі на выдуманым кантыненце Вэстэросе, якія адбываліся прыкладна за 200 гадоў да падзей «гульні тронаў». Сюжэт сканцэнтраваны на «Скокі Драконаў»- грамадзянскай вайне (129—131 год ад заваёвы Эйегона I), прычынай якой стала барацьба паміж двума галінамі дома Таргарыенаў. «Скокі» пачалася пасля балючай смерці караля Візерыса I, калі прынцэса Рэйніра, падтрыманая партыяй «чорных», і Эйгон Таргарыен, падтрыманы партыяй «зялёных», адначасова абвясцілі аб сваіх правах на Жалезны трон.
Выхад на хатніх носьбітах Першы сезон выйдзе ў фарматах 4K UHD Blu-ray, стандартным Blu-ray і DVD 20 снежня 2022 года і будзе ўтрымліваць больш за гадзіну закулісных інтэрв’ю і відэа.
Гл. таксама Аповесць «Прынцэса і каралева» (2013) і яе прыквел «Прынц-разбойнік» (2014), напісаныя Джорджам Р. Р. Марцінам, пазней былі ўключаны ў сюжэтную лінію «Скокі драконаў» у рамане «Полымя і кроў».
Катэгорыя:Экранізацыі літаратурных твораў фантастыкі Катэгорыя:Драматычныя тэлесерыялы ЗША Катэгорыя:Тэлесерыялы на англійскай мове Катэгорыя:Тэлесерыялы 2022 года Катэгорыя:Фэнтэзійныя тэлесерыялы