Ніна Васілеўна Антонава () — украінская актрыса. Заслужаная артыстка Украінскай ССР (1980). Народная артыстка Украіны (2021).
Біяграфія Нарадзілася 2 снежня 1935 года ў сяле Бакалы Башкірскай АССР. Маці працавала на мясаперапрацоўчым заводзе, бацька быў рэжысёрам. У 1941 годзе, калі пачалася Вялікая Айчынная вайна, сям’я пераехала ў Маскву.
У 1958 годзе скончыла Маскоўскае тэатральнае вучылішча імя Б. В. Шчукіна.
У 1958—1963 гадах — актрыса кінастудыі «Ленфільм». З 1964 года — актрыса Кіеўскай кінастудыі імя А. П. Даўжэнкі. Выйшаўшы замуж за кінарэжысёра Анатоля Букоўскага, знялася ў многіх яго карцінах. У далейшым таксама працавала са сваім сынам, кінарэжысёрам Сяргеем Букоўскім. Дакументальная стужка «Галоўная роля», знятая Букоўскім-малодшым пра Антонаву, атрымала шырокае прызнанне — у прыватнасці, на Адэскім міжнародным кінафестывалі Антонава атрымала за ўдзел у ёй прэмію «Залаты Дзюк» як найлепшая актрыса года ў нацыянальнай конкурснай праграме.