Махамед Ульд Слахі (, нар. ) — маўрытанец, які ўтрымліваўся ўладамі ЗША ў турме Гуантанама без прад’яўлення абвінавачванняў 14 гадоў. Пад вартай пацярпеў ад катаванняў спецслужб.
Біяграфія Вучыўся ва ўніверсітэце ў Германіі па выйграным гранту. У пачатку 1990-х правёў некаторы час у трэніровачным лагеры «Аль-Каіды» і ваяваў у Афганістане супраць камуністычнага ўрада. Пасля вярнуўся ў Германію, потым паспрабаваў уладкавацца ў Канадзе, але ў 2000 годзе вярнуўся на радзіму.
У гэты час сарвалася спроба здзейсніць атакі адразу на некалькі гарадоў па ўсім свеце, запланаваная ў тэрміны паблізу 1 студзеня 2000 года. Галоўны фігурант справы — Ахмед Рэсам наведваў у горадзе Квебек тую ж мячэць, што і Ульд Слахі. Амерыканскія спецслужбы спрабавалі прадставіць апошняга другім галоўным абвінавачаным, але не змаглі нічога даказаць. Аднак для ўладаў ЗША Слахі ўжо быў у ліку магчымых падазраваных, і пасля тэрактаў 11 верасня ім зноў зацікавіліся. Стрыечны брат Махамеда — Абу Хафс быў правай рукой Усамы бін Ладэна. Аднак Слахі, у адрозненне ад сваяка, ад уладаў не хаваўся.
Пасля тэрактаў 11 верасня мужчына быў схоплены амерыканскімі спецслужбамі. Першапачаткова яго дапытвалі ў Іарданіі і Афганістане. Са жніўня 2002 года знаходзіўся ў Гуантанама, але яму не было прад’яўлена абвінавачвання. Па словах адваката Нэнсі Халандэр, міністр абароны ЗША Дональд Рамсфельд загадаў прымяніць у дачыненні да Слахі «спецыяльныя метады допыту».
Махамед быў выпушчаны з Гуантанама толькі 17 кастрычніка 2016, праз больш за 14 гадоў зняволення. Пасля вызвалення ён вярнуўся ў Маўрытанію.
29 студзеня 2021 года ў New York Review of Books выйшаў адкрыты ліст Слахі і шасці іншых былых зняволеных Гуантанама. У ім вязні заклікалі новага прэзідэнта ЗША Джо Байдэна зачыніць турму.
«Дзённік Гуантанама» У турме Махамед вывучыў англійскую мову і напісаў 466 старонак свайго дзённіка ад рукі. Яго адвакаты перадалі рукапіс журналісту Лары Сімсу, які рэдагаваў кнігу. Кожная старонка павінна была быць прадстаўлена ваенным цэнзарам. На працягу некалькіх гадоў кніга знаходзілася пад забаронай да публікацыі з боку амерыканскіх афіцыйных асоб. Мемуары «Дзённік Гуантанама» былі апублікаваны ў 2015 годзе, калі Слахі ўсё яшчэ ўтрымліваўся пад вартай.
Мемуары сталі асновай для фільма. Праект быў анансаваны ў лістападзе 2019 года. Здымкі пачаліся 2 снежня таго ж года ў Паўднёвай Афрыцы. Першапачаткова карціна павінна была называцца «Вязень 760», але ў лістападзе 2020 года атрымала канчатковую назву «Маўрытанец».
Прэм’ера фільма адбылася 12 лютага 2021 года.
Катэгорыя:Пісьменнікі паводле алфавіта Катэгорыя:Затрыманыя прывіды Катэгорыя:Члены Аль-Каіды Катэгорыя:Выпускнікі ВНУ Германіі Катэгорыя:Постаці Маўрытаніі