Пабла Даніэль Асвальда (; нар. , Буэнас-Айрэс, Аргенціна) — італьянскі футбаліст аргенцінскага паходжання, нападнік. Ігрок нацыянальнай зборнай Італіі (2011—2014).
Клубная кар’ера Пабла з’яўляецца выхаванцам юнацкіх каманд аргенцінскіх футбольных клубаў «Ланус», «Банфілд» і «Уракан».
У дарослым футболе дэбютаваў у 2004 годзе выступамі за каманду клуба «Уракан», у якой правёў адзін сезон, прыняўшы ўдзел у 33 матчах чэмпіянату і забіўшы 11 галоў. Малады аргенцінскі нападнік прыцягнуў увагу скаўтаў еўрапейскіх клубаў і ўжо ў 2006 годзе пераехаў у Італію, заключыўшы кантракт з клубам «Аталанта». Правёўшы ўсяго тры гульні за гэту каманду, Пабла перабраўся ў іншы клуб з Серыі B, «Лечэ», які заключыў з «Аталантай» дагавор аб сумесных правах на футбаліста.
Сваёй гульнёй за апошнюю каманду прыцягнуў увагу прадстаўнікоў трэнерскага штаба клуба «Фіярэнціна», у склад якога далучыўся ў 2007 годзе. Адгуляўшы за «фіялак» няпоўныя два сезоны сваёй гульнявой кар’еры, у 2009 годзе перайшоў у «Балонню».
Наступным клубам у кар’еры іграка стаў іспанскі «Эспаньёл», колеры якога ён абараняў на працягу 2010—2011 гадоў. У 2011 годзе вярнуўся ў Італію, далучыўшыся да складу клуба «Рома».
18 жніўня 2013 года Асвальда падпісаў чатырохгадовы кантракт з англійскім клубам «Саўтгемптан»Saints sign Osvaldo. Southampton FC., сума здзелкі паміж клубамі склала 15,1 млн еўра ў дадатак да магчымых бонусаў у памеры 2 млн еўраPablo Daniel Osvaldo Cessione a titolo definitivo . AS Roma.. Дэбютаваў за новы клуб 24 жніўня ў матчы супраць клуба «Сандэрленд», які скончыўся з лікам 1:1, выйшаўшы на замену ў пачатку другога тайма. Першы гол іграка прыйшоўся на сустрэчу супраць «Крыстал Пэлас» (2:0)Southampton 2-0 Crystal Palace. BBC Sport.
31 студзеня 2014 года Асвальда вярнуўся ў Італію, дзе далучыўся на правах арэнды да клуба «Ювентус» на астатнюю частку сезона 2013/14. Клуб атрымаў да 31 мая 2014 года апцыён на куплю правоў на іграка па кошце 19 млн еўраOsvaldo joins Juventus. Juventus FC..
4 жніўня 2014 года Асвальда зноў вярнуўся ў Італію, на гэты раз у клуб «Інтэрнацыянале» паводле арэнднага пагаднення паміж клубамі, пры гэтым у адваротным кірунку рушыў паўабаронца Сафір ТайдэрInter, Osvaldo: «Vinciamo tutto». E Medel è in volo per Madrid. Gazzetta.it. У лютым 2015 года на правах арэнды перабраўся ў аргенцінскі «Бока Хуніярс».
У ліпені 2015 года разарваў кантракт з «Саўтгемптанам», і ў жніўні стаў іграком «Порту». У студзені 2016 года вярнуўся ў «Бока Хуніярс», а ў жніўні 2016 года абвясціў аб завяршэнні футбольнай кар’еры і жаданні саканцэнтравацца на музычнай дзейнасці.
У студзені 2020 года вярнуўся ў футбол, падпісаўшы аднагадовы кантракт з «Банфілдам». Пакінуў клуб ліпені 2020 года.
Міжнародная кар’ера Маючы права на атрыманне італьянскага грамадзянства праз прадзеда, які нарадзіўся ў Філатрана, а пазней эміграваў у Аргенціну, Асвальда вырашыў выступаў за нацыянальную зборную Італіі. 5 кастрычніка 2011 года, у сувязі з траўмамі Марыа Балатэлі і Джампаала Пацыні, Асвальда атрымаў свой першы выклік у зборную на адборачныя гульні да чэмпіянату Еўропы 2012 супраць зборных Сербіі і Паўночнай ІрландыіPablo Osvaldo:Call up criticism ridiculous . ESPN.
Крыніцы
Спасылкі
Катэгорыя:Футбалісты Італіі Катэгорыя:Футбалісты Аргенціны Катэгорыя:Ігракі зборнай Італіі па футболе Катэгорыя:Ігракі ФК Уракан Буэнас-Айрэс Катэгорыя:Ігракі ФК Аталанта Катэгорыя:Ігракі ФК Лечэ Катэгорыя:Ігракі ФК Фіярэнціна Катэгорыя:Ігракі ФК Балоння Катэгорыя:Ігракі ФК Эспаньёл Катэгорыя:Ігракі ФК Рома Катэгорыя:Ігракі ФК Саўтгемптан Катэгорыя:Ігракі ФК Ювентус Катэгорыя:Ігракі ФК Інтэрнацыянале Мілан Катэгорыя:Ігракі ФК Бока Хуніярс Катэгорыя:Ігракі ФК Порту Катэгорыя:Ігракі ФК Банфілд