Ostriv () — украінская камп’ютарная гульня ў жанры эканамічнай стратэгіі, прысвечаная развіццю украінскага асадніцтва 18 стагоддзя. 19 сакавіка 2020 года гульня перайшла ў ранні доступ на платформах Steam і GOG. Гульня хутка сабрала больш за сотню аглядаў, каля 90 % працэнтаў з якіх спрыяльныя.
Апісанне гульні У цяперашні час у гульні больш за два дзясяткі пабудоў, сельская гаспадарка і жывёлагадоўля, рамёствы, дынамічная змена сезонаў, асноўны гандаль. Даступныя ангельская і украінская лакалізацыі. Пазней плануецца дадаць у гульню сюжэтную кампанію, будынкі сфер адукацыі, рэлігіі, забаў і правасуддзя.
Асаблівасцю гульні з'яўляецца дынамічнае мадэляванне пратаптаных жыхарамі дарожак і адсутнасць прывязкі будынкаў да клеткі на ландшафце.
Гульню суправаджае традыцыйная украінская музыка, у прыватнасці кобза.
Абстаноўка Гульня пачынаецца з 1721 года, гэта значыць з пачатку другой хвалі каланізацыі Слабідскай Украіны. Аднак паселішча гульца знаходзіцца на выдуманым востраве (адсюль і назва гульні) разам з некалькімі рэальнымі слобажанскімі гарадамі, такімі як Дэргачы.
Гісторыя развіцця Распрацоўка Ostriv пачалася вясной 2014 года. Спачатку гульня распрацоўвалася ў вольны час адным чалавекам — ананімны Яўген з Харкава. З 2018 года гульня распрацоўвалася камандай з 4 чалавек.
Выбар тэматыкі гульні шмат у чым быў абумоўлены пачаткам вайны на Данбасе.
За гады распрацоўкі Яўген паспеў наведаць мноства гарадоў, музеяў і зафіксаваць мноства краявідаў. Усе тэкстуры ў гульні заснаваныя на фотаздымках, зробленых падчас гэтых паездак. Дызайн будынкаў у асноўным прыдуманы, так як з пункту гледжання гульні неабходная пазнавальнасць прызначэння будынка. Аднак усе выдуманыя праекты грунтуюцца на існуючых архітэктурных традыцыях і складаюцца з частак рэальных будынкаў.
Закрытае тэставанне гульні пачалося ў ліпені 2017 года, а з 18 кастрычніка таго ж года з'явілася магчымасць набыць альфа-версію гульні праз афіцыйны сайт. Так, на момант ранняга доступу на платформах Steam і GOG гульню паспелі купіць 20 000 гульцоў.
Альфа-версія Alpha 5 была выпушчана 25 сакавіка 2023 года.
Водгукі Рэцэнзент Крыстафер Лівінгстан з PC Gamer адзначае, што сімулятар на здзіўленне добры для альфа-версіі. Ён называе гэта заблытаным, складаным, але займальным. І прызнаецца, што Ostriv ужо стаў адным з яго любімых горадабудаўнічых сімулятараў.
На думку аглядальніцы інтэрнэт-парталу Root Nation Аксаны Сьмірновай, «Востраў» — лепшая гульня пра Ўкраіну, якая папулярызуе ўкраінскую культуру і эстэтыку.
Зноскі
Спасылкі
Катэгорыя:Steam-гульні Катэгорыя:Гульні для Windows Катэгорыя:Горадабудаўнічыя сімулятары