Карачу́нка — рака ў Дзяржынскім раёне Мінскай вобласці Беларусі, левы прыток ракі Ператуць (басейн Нёмана).
Даўжыня ракі 13 км. Плошча вадазбору 33 км². Сярэдні нахіл воднай паверхні 4,7 м/км. Пачынаецца на паўночны захад ад вёскі Карачуны, цячэ ў межах Мінскага ўзвышша, упадае ў Ператуць за 3 км ад вёскі Клыпаўшчына. На працягу 3,8 км каналізаваная: ад вытоку (1,7 км) і за 0,8 км на паўднёвы ўсход ад вёскі Дзягільна — 0,7 км ніжэй моста на аўтадарозе Масква — Брэст (2,1 км). Каля вёскі Дзягільна створана сажалка (плошча 0,31 км²).
Літаратура
Катэгорыя:Рэкі Дзяржынскага раёна Катэгорыя:Басейн Усы (верхні прыток Нёмана)