Мікалай Іванавіч Крываносаў () — беларускі хакеіст, пазней — хакейны трэнер.
Біяграфія
Нарадзіўся ў сям’і хакеіста, пазней трэнера Івана Крываносава; маці таксама прафесійная спартсменка — майстар спорту па фехтаванні.
Гуляў за моладзевыя каманды і зборную Беларусі. Праз траўму завяршыў гульнявую кар’еру.
Перакваліфікаваўся ў трэнера па фізічнай падрыхтоўцы. Працаваў у клубах «Дынама» (Мінск), «Дынама» (Масква), «Атлант» (2010—2011), «Лакаматыў» (2011).
Фітнес-спартсмен: віцэ-чэмпіён Масквы (2010), бронзавы медаліст чэмпіянату Расіі (2010), 10-е месца на Mr. Universe (2010).
Быў халасты. Дачка Стэфанія (2006).
Загінуў на 32-м годзе жыцця разам з камандай «Лакаматыў» 7 верасня 2011 года ў авіякатастрофе пры вылеце самалёта з яраслаўскага аэрапорта. Пахаваны на Кальварыйскіх могілках Мінска.
Катэгорыя:Загінулі ў авіякатастрофе 7 верасня 2011 года Катэгорыя:Пахаваныя на Кальварыйскіх могілках