1 студзеня 2024 года ў прэфектуры Ісікава (Японія) адбыўлося моцнае землетрасенне магнітудай 7,6 балаў. Стыхійнае бедства стала наймагутным землетрасеннем у Японскім моры з 1983 года, выклікаўшы цунаміВ Японії стався потужний землетрус, людей попередили про цунамі.
Станам на 1 лютага паведамлялася пра 240 загінулых, 15 абвешчаны прапаўшымі без вестак.
Сейсмічная сітуацыя У гэтым рэгіёне на працягу трох гадоў запар фіксаваліся шматлікія землетрасенні. Апошні буйны штуршок сілай у 6,3 МВт адбыўся ў маі 2023 года.
Японія размешчана на мяжы паміж Ціхім акіянам, Філіпінскім морам, Ахоцкай і Амурскай плітамі. Уздоўж усходняга і паўднёва-ўсходняга ўзбярэжжа астраўной дугі субдукцыя Ціхаакіянскай і Філіпінскай марскіх пліт адбываецца адпаведна ў Японскім і Нанкайскім жолабе. Усходняе ўзбярэжжа Хансю, якое мяжуе з Японскім морам, з’яўляецца канвергентнай мяжой і цягнецца з поўначы на поўдзень. Лічыцца, што гэтая мяжа паміж Амурскай і Ахоцкай плітамі з’яўляецца пачатковай зонай субдукцыі. Канвергентная тэктоніка назіраецца ў рэгіёне з канца пліяцэну.
Бедства і шкода У дзень землетрасення Японскае метэаралагічнае агенцтва выдала папярэджанне аб цунамі для чатырох прыбярэжных прэфектур. Агенцтва паведаміла, што пасля землетрасення 2011 года папярэджанняў аб сур’ёзным цунамі не абвяшчалася. Расія таксама абвясціла папярэджанне аб цунамі для гарадоў Уладзівасток і Находка. Каля 16:21 UTC+9 порта Вадзіма дасягнулі хвалі вышынёй 1,2 м.
У Вадзіме абрынулася не менш за 50 дамоў. У 17:00 тут таксама здарыўся пажар, але з-за пашкоджаных дарог ратавальнікі не змаглі патушыць полымя, якое ахапіла шэраг дамоў. У горадзе пацярпелі больш за 30 чалавек, яшчэ больш траўмаў зафіксавана ў Судзу. У Нанаа два чалавекі загінулі ў выніку абвальвання дома. Адзін чалавек загінуў і яшчэ адзін атрымаў раненні ў выніку абвальвання двух дамоў у Сіка.
У гарадах прэфектуры Таяма зарэгістраваны расколіны на дарогах і паломкі вадаправода. У горадзе Ніігата здарылася разрэджванне грунту; каналізацыйныя трубы таксама былі разбураны, і многія дамы засталіся без вады. На галоўную хуткасную аўтамагістраль паміж Таямай і Канадзавай абрынуўся апоўзень.
Рэакцыя і наступствы Прэм’ер-міністр Фуміа Кісіда абвясціў аб стварэнні спецыяльнага цэнтра па надзвычайных сітуацыях для збору і распаўсюджвання інфармацыі аб землетрасенні і цунамі. Для аказання дапамогі былі прыцягнуты вайскоўцы: у пацярпелыя раёны накіраваны 1000 байцоў сіл самаабароны. Для ацэнкі шкоды таксама было адпраўлена каля 20 армейскіх самалётаў.
Адначасна пачаліся праверкі на атамных электрастанцыях.
Пасля землетрасення ў Цэнтральнай і ўсходняй частках Японіі быў прыпынены рух цягнікоў Сінкансэн, у выніку чаго прынамсі 1400 пасажыраў апынуліся ў чатырох спыненых цягніках. Некалькі буйных аўтамагістраляў у пацярпелых раёнах таксама былі зачыненыя. Авіякампаніі All Nippon Airways і Japan Airlines адмянілі рэйсы ў прэфектуры Таяма, Ісікава і Ніігата.
Крыніцы
Спасылкі
Катэгорыя:Падзеі 1 студзеня Катэгорыя:Землетрасенні ў Японіі Катэгорыя:Студзень 2024 года Катэгорыя:2024 год у Японіі Катэгорыя:Стыхійныя бедствы 2024 года